CK仔Blogspot 的誕生

CK 仔自我介紹

打工仔一名, 人生第一個旅行只是三年半前的大學grad trip, 台灣遊. 之後平均每年去2次旅行.
工作咁辛苦, 去旅行同購物, 想必係每位女性既自我減壓既恩物.

點解叫CK仔?
因為好多小朋友細細個都會俾人叫 明仔, 豪仔, 傑仔, 總之係小朋友就會加個仔字.
我希望我可以一直保持小朋友心態, 某時候想法簡單一點, 咁就會開心好多.
所以我叫自己CK仔.
不過我係一個女仔, 唔好搞錯呢 :P

點解會開BLOG?
工作關係, 對BLOG已經好幾年, 不過一直冇諗過自己會開. 因為一直都好三分鐘熱度.
因為今年去多左旅行, 突然好想寫出黎SHARE 行程.
希望... 希望我會有恆心啦 :P

會寫D咩?
當然會寫旅行~~~
有幸係2013年截至9月為止, 我去左4個大旅行, 3個小旅行.
大旅行定義為要搭飛機既旅程, 那怕只係東南亞:P
細旅行就係澳門啊, 近近地既皇崗啊, 樟木頭啊, 什至係香港既CAMP!
搞錯, 咁都計？係啊, 咁會開心D, 做人既野, 開心咪得囉, 你話係唔係?

不過就咁, 如果只係寫旅行既話, 我估我1年只係會update 2,3次, 你知啦, 打工仔丫嗎.
邊有咁多錢去旅行 :P
同埋其實我都好鍾意睇戲, 平均一個月2,3套.
亦鍾意電子產品, 亦都係換得最多既一項. 所以都會寫下

另外, 唔...其實, 令我最大動力真係開一個BLOG既原因係我想影番相.
其實CK仔係中四既時候已開始愛上影相, 由當時既casio prosumer, fuju prosumer, nikon d80, holga, vivitar, 同一部 lomo toy digital 都買過, 不過, 又係 【三分鐘熱度】, 我已經2,3年冇玩影相了...連好幾次旅行都係HEA HEA 的用手提解決。 所以, 今次我想"的起心肝" , 希望我會堅持到!

好, 廢話講完, 簡單D講, 又係另一股熱誠湧起吧~!