2013年9月29日 星期日

後生了十年之香港新界一日遊 - 大生圍篇

大生圍, 我都係2,3個月前先第一次聽過, 因為有個朋友入左去影相
2, 又幾靚咁喎, 就決定去下新地方~~~
入到黎, D唔知點行既感覺, 好多分叉路, 不過反正都係郊遊下, 就試下亂咁行啦!
好鍾意呢張相^^


心心葉


 仲見到蜥蝪仔

好舒服啊



我見好似每個BLOG 都會到呢到影相, 哈哈, 就似南生圍既指定拍攝地方一樣吧?


行完指定位置後, 其實好想過另一面, 可惜, ....
大家望下中間黑色個點... 呢個惡狗不停對住我地吠.

這樣... 我地根本行唔到過去.
唯有放棄, 行第二到.

好似迷宮咁 ,好多條行




問起伯伯, 呢個係整蜂蜜既箱, 入面真係有好多蜜蜂的!!!


自己種菜


呢到都幾多貓, 不過天色太暗, 好難捕捉


都係要試下鏡玩下啦 :P (今次係Nikon 30-110mm)




見到有隻最普通既蝴蝶, 照玩下啦



 無聊到我連烏英都影 :P

 影影下, 突然有個阿姐走左出黎話呢個位唔準影相, wow, 我記得落車時都見到呢個姐姐望住我地幾個, .... 佢跟我地行到呢到??? lol....
咁唯有行去第二到啦~





 行行行, 我都唔知行左去邊到, 只知好多路可以行~




行呢DCK仔已經好驚...
成日諗如果我跌左落去會點呢??



 呢到最得意既就係, 好多烏頭魚會彈起, 我諗今日我見過30-50~

好想影到, 可惜佢地彈得太快太冇pattern, 我只有一張這個....




呢個水形就係D烏頭彈完之後形成的





真係好舒服


咁又完結了一天, 在此我想有三張相特別記錄一下


這個貓貓, 真的很可愛, 好鍾意咁細隻貓貓, 佢個樣, 真係好BB :)



以下的一張, 她們全是我的中學同學, 其中一個我已經冇見八年.
今日一見, 令我覺得我好似仲係讀緊中學咁, 成件事好青春
我仲會繼續為左影相而去行一D我好怕行既路.
我地亦會去影一D別人眼中好Kai 既相.
我真係好開心, 可以同到你地一齊黎呢到. 一齊探索新地方.
人大了, 我地會因為家庭, 愛情, 工作, 等原因而導致愈來愈少時間相聚.
好似今日既探索, 在我們餘下的人生中, 我地又有多少次機會可以一起共渡?
所以, 今天真的令我很快樂!


夕陽無限好, 只是近黃昏, 今天, 我嘗了一個人拍攝, 和一班人拍攝.
完全2種唔同感受, 各有各享受.
真的好希望我可以有這份堅持, 跟大家一起走遍我還未走的香港地.

後生了十年之香港新界一日遊 - 濕地公園篇

對上一次去濕地公園, 應該都四五年前, 好多年冇去過lu, 既然約得朋友下午入大生圍, 唔好浪費左個車程, 決定自己早D入去濕地影番轉先!

好熟悉既道路, 從前回嶺南就係成日行呢條路, 都真係好耐冇行過LU...


去到天水圍, 搭705/706都可以去到濕地公園的


濕地公園就當然係濕地公園站落, 行上天橋就會見到有指示牌~


呢條路又係我至愛, 記得秋天黎既話所有葉會係啡紅色


例必影下蓮花




見到蜻蜓都要影下既~


以下呢張, 好鍾意那個水圈


好舒服啊, 好耐未係HK親親大自然了....


黎到呢個浮橋位, 最多拍攝人仕停留, 大概係全公園最易有收獲的一個位, 
我都唔執輸吧~XD



其實咁睇番, D彈塗魚都幾核突




大蚶既, 俾人感覺, 好戰爭格!!!





點都要試下枝鏡既, 當然, 始終唔及MARCO靚~


趕時間去大生圍關係, 我只係留左1小時15分鐘左右就要走了~~
不過今日既濕地公園真係好少人, 我好ENJOY


如果後面冇樓, 你話幾好?








而家仲搞緊個....(唔記得咩節, 係入口到有個水族箱係到俾人影相)


濕地戰友.

Nikon V1 + Nikon 70-300mm VR


要講下用後感, 用Mon取景既話就太辛苦了, 因為好明顯重量唔balance
所以, 都係要用番電子觀景窗會舒服好多.
另外, 我都會擔心條頸帶綁得唔夠好而成部機跌倒, 所以行路時我一定拎實枝鏡.
夠光底下對焦都OK.開始慢慢用慣V1, 始終佢既半下對焦手感差, 唔似得其他機咁FEEL到你係對緊焦...
總括, 開心的, 以後要試埋影動物,蝶,雀 ! :)