2014年8月29日 星期五

夏天都岩行既山 - 東澳古道

自踏入夏天, 加上上次行山失敗, 行到嘔後...
CK仔都好耐冇行出了, 因為實在太熱~
不過呢排都有打壁球, KEEP 住做運動架!

而O係呢段時間, 一直有一位朋友不停游說我行山.
結果, o係上2個星期 (17/8), 我終於跟左佢去行
行之前, 佢不停講, 好易, 好涼, 完全冇難度, 我一定應付到~

kee...就一齊睇下今次既行山係點LA~

<<東澳古道 -- 東涌至大澳>>

因為太耐冇行, 朋友叫我唔好拎咁重野, 所以只係帶左NIKON V1 去
但原來, 睇慣左D610, V1 真係...差好遠, HAHA

2點幾3點東涌出發, 先搭巴士入逸東邨, 之後行番出去~ O係天橋旁邊一直行

好快就會見到路牌~

向侯王宮方向行就~



落樓梯~


好多荒廢左既屋


向石散頭繼續行


見到有D景睇下了, 然後明顯今日天色麻麻地.
(冇落雨已經算係咁.......)



D水, 好污糟


沿途的乾澗


抬頭望就見到好多昂坪纜車


亦有好多隻蜘蛛陪住我地.......
好大隻...


wow...花園??


原來這就是花園..............................


再行多幾步, 有個彈床, 不過明顯我係入唔到去既...
個口...好細..HAHA! For kids only :P



對面會望到飛機起飛~


朋友話會有3個斜路, 呢個係第一個.
佢教我點行斜路先舒服D :)
我會記住!!!

p.s. 佢話唔要出樣, 我唯有咁樣遮住你啦



行完斜路, 都唔太辛苦, 好快就有個涼亭抖下
同時望住D飛機起飛 :)


繼續!!!
又係乾澗


除左3個斜路, 仲有3個BONUS位, 就係有3個碼頭
Let's Go~~~~~!!



嗯~ D 景色靚少少 ^^



D 飛機都幾近^^"
呢個位影都唔錯.
不過天色麻麻地, 加上冇長鏡....


好多人釣魚


好, 再出發, 我都忘了行左幾耐, 
又到左第二個碼頭~




我在想, 唔知今日日落會點呢?
試下先 :P


有一個山洞仔~~~
哈哈, 不過...我唔敢入去 :P




好舒服的感覺
今日, 其實都唔算熱, 好舒服!!!


又出發了


第三個斜路, 唔... 係最累的~~哈哈, 我講唔到野 XD
不過朋友非常遷就我, 陪我慢慢行^^
辛苦過後~ 又見到第三個碼頭LA!



士多來了!!
叫左杯龍眼水飲
好好飲~
好重龍眼味~~~
行到呢到, 我既500ml 寶礦力同770ml 水已經飲曬
(預得岩岩好, Yeah ^^)
所以要再買多枝水補充~


明明就話已經完成左2/3...
仲有1/3~~~
大約六點我地再起程~

呢段路係我最驚既一段路, 感覺比起之前2/3來得長時間......
因為... 落斜... 又有好多一粒一粒既石...
哈哈.. 真係有D驚.
有幾級都要借膊頭扶下...
同埋都係安全感問題...發現有人企得近我D, 我會夠膽D踏出去..
如果佢一行遠左... 我就好驚唔敢行...>.<
希望... 每一次都可以有少少進步啦....

啊... 都係因為我行得慢~
不知不覺間, 已經日落,
去唔到大澳先睇日落
話說我好耐已經冇入過大澳..
本身仲打算今次可以行埋...
睇黎又要等下次再入過去~~~

所以... 唯有O係山上欣賞







日落後行... 當然....已經入黑... 愈來愈暗
但朋友話怕我見到蛇蟲鼠蟻驚, 所以提議唔開燈
行到後段, 基本上都已經黑曬, 同埋左右都係草叢包圍住自己...
哈哈, 其實. 都幾驚
(我冇行夜山經驗)

係咁行係咁行, 終於走了出黎......

我的大澳啊.........



太多年冇黎, 又入夜, 完全冇方向感..
乜原來....大澳好似都唔算好細喎
(唔知點解我印象中既大澳只有一條巷既路...)
哈哈!!!

食飯~~~

咁開心行完15 KM, 緊係要啤啤佢:P





食埋飯返到屋企都已經成12點.
好累, 好眼訓.
好耐冇訓得咁舒服了.

記得之前行山好多都冇15KM咁長
但今次真係唔辛苦.
仲有好多冷氣走廊
我會記住行斜路行到最高後吹埋黎O個陣風係幾咁舒服.

原來夏天行山, 都可以好輕鬆 :)

Yeah~~~~~~~~~~~~~~~

另外, 我估下次寫遊記都已經係九月底.
原來, 九月就已經一年.
到時再分享一年來的感受.
多謝收看懶惰CK仔的遊記 :)


Ck仔。樂遊四方。

2014年8月12日 星期二

快閃澳洲初體驗。完

寫左成個半月, 我既澳洲之旅終於完結了~
澳洲手信唔算多, 聽說青邊鮑係出名~
出發前婆婆話想俾錢我買十隻八隻返黎
不過, 廚藝不得的我, 當然拒絕.
買手信至怕幫人買錯 / 被搵笨, 仲要係人地既錢...

哈哈, 結果~O係當地都唔係好見到好多地方有得買~
大家見我一餐海鮮都冇食過就知啦~
(加上我本身都唔係太愛食海鮮)

結果o係機場, 隨手買左2隻~帶番黎送俾婆婆~

機場買最方便係唔洗諗Storage, 岩曬我呢D懶人就咁拎上機就OK~
不過當然價錢會貴D~ (呢D衰野, 唔好諗啦喂XD)

繼上次沙巴雪條後, 一直都好怕, 拎到番黎會唔會溶架???
好彩, 坐完九個鐘飛機~
返到黎, 仲好硬淨~!!!

開箱報告一下 XD



真係好鬼大隻架~~~ (又可能我見識少, 食就食得多, 買真係第一次)


有我隻手掌咁大


婆婆嗎, 當然一路話貴然後一路話話話...
不過我知佢其實內心好開心既~

返到HK後一星期到, 佢就好快約左我地一家上去食飯, 
因為要煮鮑魚喎~~~

鮑魚雞湯
冬菇雞翼
生菜

當然好好味啦!
因為除左一隻大大鮑魚, 傻豬仔竟然仲用左一隻雞同埋一罐鮑魚再加一堆配料入去
甜到入心啦!!!!
(其實用1隻鮑魚已經好甜, 平日煲真係唔洗再加一罐入去^^")



岩岩上星期, 另一隻鮑魚都用埋黎煲雞粥


其實, 醉翁之意不在酒, 婆婆開心除左O個2隻鮑魚外, 一定係因為可以一家人聚埋食飯.
如果大家有時間, 真係要多多陪伴屋企既寶貝
大家計計, 如果1個月見1次, 1年只有12次.
想一想, 你認為還有多少次可以見他們?
唔好等到失去了才去珍惜, 現在, 就立即行動.

另附上一張好鍚我既婆婆仔真面目給大家看看
嘻嘻, 她在飲益力多, 但飲到好似飲緊藥水咁.
真係傻豬仔黎^^"

(2...我發現, 其實我叫佢做婆婆仔已經好多年, 原來我係鍾意叫人做XX仔 :P
就好似叫自己CK仔一樣, 大概這樣我才覺得能夠保持童真.)

婆婆仔, I Love You ^3^



睇到呢到, 我既澳洲之旅也正式完結
希望你地鍾意睇我既遊記啦 ^^

啊........我仲有個澳洲番外篇未寫TIM......XD 等下啦大家XD

啊...... 我仲有2日1夜深圳遊未寫啊...........
我........會...........加.........油...........................................!!!!!!!!!!

Ck仔。樂遊四方。
https://www.facebook.com/chiuck1001

2014年8月7日 星期四

珍惜。一輩子的朋友

昨夜凌晨, 翻起了舊相片來看, 回顧這些年來我們的一點一滴.
生命中有很多朋友, 同時也有很多階段朋友. 總只會在不同的階段中出現, 然後消失.
以下這班朋友, 可以說是我一生中最好的好朋友, 我們有從小三同班的, 小五同班的, 中一同班的, 和中四同班的.
真正好朋友起來, 大概是中四那年, 什麼緣份促使我們走在一起, 我記不起.
過了2年天天相對的日子, 一起玩耍, 一起讀書. 進入中六以後, 我們有的各散東西, 開始有了自己的另一班好友.
但還好的我們仍能鞏固友誼. 中七, 我們仍能一同去Camp, 那次八號風球的Camp.
進入大學以後, 大家更各自過著多姿多彩的生活. 大概最疏遠的也是大家的大學時期吧? 我也忘了從何開始我們也堅守不了為每一個慶祝生日.
從前的手製聖誕咭, 生日手造小禮品, 何時開始消失了?
是我們給自己藉口, 再不願意為對方花心思了?
結果, 我們開始訂下, 每年的12月26日, 無論如何也要聚頭. 只要能一起吃一餐飯, 已經滿足了.
偶爾聚會, 大家也談論不如一起去Camp, 不如一起去旅行, 不如一起.....
可是, 又有多少次, 我們真的實行了?

直至有一次, 我給大家看一篇網上文章<<那天,我出席了一個葬禮>>.
大家開始笑著談, 我, 就是阿鋒. 這一天, 很像突然喚起了大家一樣. 好像我們的聚會也開始回復正常次數. 然後很快, 我們的Camp也終於在上年年中實行, 年尾更去了東部華僑城, 今年年頭去了雲南, 年中又去了深圳. 雖然外地旅遊還未試過--齊人, 不過我相信, 很快的將來, 我們會--齊人.
你們, 是我永遠最珍惜的好朋友. 無論我們如何改變, 但內心, 仍然是11年前的我們. 只有對著你們, 才能什麼也談, 什麼也笑.
不過, 在這回顧中, 我發現原來要找15張齊人的合照, 好像也有一點難度.
那就靠未來的日子, 我們繼續努力, 把這幅拼圖發揚光大.

還有啊, 相中特別少見的2位, 很希望你們加入的, 可是你們只像過客一樣, 哈哈! 期待有天可以一同加入吧 

希望大家也能珍惜身邊的朋友.
引: [有時候我們也希望,這一群人只是最近在忙,總有一次他們會主動的找我們。]

<<那天,我出席了一個葬禮>>
https://www.facebook.com/notes/蔣薇/那天我出席了一個葬禮/310267539068901
<<那天,我出席了一個葬禮 (二)>>
https://www.facebook.com/notes/蔣薇/那天我出席了一個葬禮-二/317740268321628




記住你的承諾 :)


2014年8月2日 星期六

快閃澳洲初體驗。Day 4

黎到最後一日~
大清早我地食完早餐就去左South Bank~
好似有嘉年華咁~
後來知道好似係俾D中學生參加既嘉年華~亦都有佢地既表演~




澳洲真係周圍都好多雀鳥~



哈哈, 我地.....就係要.....
踩單車!!



呢個摩天輪好新淨
好靚:)





出發LU!!!!
喂啊.................
其實呢..........
我.......太矮= ='
我唔係好夠高踩到....
好辛苦先腳尖掂地 T^T
外國D單車真係唔多岩我, 哈!


我地沿住河邊踩~
呢個就係人工沙灘!
不過因為凍, 冇人游水~
得遠處既雀仔游.,


另外, 其實佢係一個好public 既public area 黎...
哈哈.......對我黎講, 太公開了XD
參觀下就好


踩左去唔知邊, 好多草地



呢幾條柱係紀錄番以前既水災既高度
1974年既... 真係好高.......
睇得到, 隨住時間既進步, 每次災難都比從前傷亡少.


好寫意既感覺


踩過大橋~~~
上斜有D辛苦XD
抖下先



踩左大約1小時, 坐低抖下LU~
飲左杯熱朱古力
AUS D 朱古力真係好好飲



之後入左Goma Museum




好鍾意呢D小火箭


最底的最喜歡, 係俾小朋友玩的^V^


原來由IKEA support, 唔怪之得入面全部都咁IKEA FEEL.


牆上有D畫不停轉


就係由D小朋友設計出黎


好多家長都一齊整


放入去就有機會display


好似細過玩既七巧板咁





D小朋友跟住screen入面既人跳舞, 佢地好得意^^


行完一輪, 食LUNCH先! o係Library cafe到食~

Cappuccino~OMG! 係咁多日入面最最最好飲既一杯!!!


叫野食時先發現, 我地冇食過薯容!
所以立即叫左個黎食~
D腸仔都好好食~


肉丸意粉
味道好OK!


Pizza~
佢話俾小朋友食的=_=
但... 好多... 食唔曬!


食飽後~
今早踩完單車, 要.... 舒服下, haha..
.我地坐green cab XD





佢連條Tshirt都印左錢錢 @o@


見到個景就舒服!
加上唔洗自己踩XD


來到了Story bridge 樓下


其實我真係好鍾意有張木椅, 四周都係樹, 草地, 河邊既景色!!!


我地黎到了River Life玩!!!!!


有好多野玩



我地簡左玩2樣野~~~~就係........

Segway~
黎到AUS唔係唔玩啊?!XD
係啊... HAHA, 我睇左三個小生去旅行玩已經覺得好得意^^"
不過未有呢個住~!



登登!!!!!!!!!!!!!
全副裝備.!!!!!

我...玩....
20米爬番落去!!!!!!!!!!!!!!!!!!


唔好講笑, 好驚咁喎


好R底........


唔得........
好驚>.<
最後, 我放棄左, 我冇玩=3="
始終都係過唔到心理關口.........
哈哈, 好冇用XD

轉玩第二樣~!


好多問題要我答...
啊.........
我快睇完全部答True.
仲諗, 其實係唔係真係All True呢
點知...........

真係有D係False 的XD

職員細心咁教番我地, HAHA!!!



都幾易上手


練左陣就踩出去了


又黎到story bridge XD



呢到附近好多飲水機
成個感覺都好健康, 好休閒



玩完之後就走
打算答番City Cat 過對面


聽頭先職員講, 好似話有D係唔洗錢的!
不過我唔係好識分, 都係見到就上




話咁快就落船
其實都唔知自己o係邊
呢個感覺好有趣, 好似四周探索咁


好似有D複雜, 唔理了, 自己周圍行下^^"


只係四點半, 間bar 就滿曬人...
外國人, 真係識嘆



呢到好多餐廳都好靚


肚仔餓, 又食番呢個Sushi~~~


行左陣, 終於識路了
呢到就係琴晚見到人捉大棋o個到!
2... 冇左@.@....
轉左做 markets!!!!!!!!!
可能因為星期五








行左一輪, 氣氛好好, 不過冇野睇岩^^"

返左酒店放低野後, 又出發去Eat Street Markets~
因為朋友係咁推介我地一定要黎!!!
就睇下係咩環境!!~

wow~每人要俾$2架!
3:30pm就開.
不過我覺得夜晚有FEEL好多



好多野食


又有野賣





好似好耐冇食蔬果咁~
買左杯菇食~





中間有包勁大包爆谷~~!!!


好耐冇見既粒粒雪糕


Ginger Beer, 好飲~!


咁惡毒既, 有ATM XDXDXD
好多人排隊拎錢, haha!!!!!!!!!





真係好多人, 氣氛爆好, 
我地心情完全Hyper!!!!
終於明白點解推薦我地一定要黎~
(係Fri - Sun先會開)





Last 食呢個芝士雞肉串
唔好講笑, 係超好食!!!
D 肉好滑!!!! D 汁又岩岩好~唔會太鹹
而家都好回味, 好想再食!


去完Eat Street Market 後~
我地去左..........XDXDXDXDXDXD
Pub~~~~
見識下當地文化.
哈哈!

玩到咁上下~又肚餓~
(係啊, 去旅行唔係玩啊, 食啊就係訓架啦XD)

去食pancake!
呢一間係開24小時的!!!
So nice!

裝潢好靚
聽朋友講原來以前係教堂黎.
好多教堂都賣左俾人做食肆/酒吧@@



我已經唔記得左佢叫咩名, 
佢係薯黎既
好好食!!!


原來呢到D pancake係真係好好食架!
(我一向都唔係太鍾意食甜野)
但呢到真係冇得頂!!!!!!!

朱古力pancake


原味pancake
而家睇番相先知當時原來係咁大PAT 牛油= ='''
...佢... 唔係雪糕球黎的....



薯角
相比之下, 薯角有點失色


食完返到酒店都已經.....四點幾五點...
我地原來打算睇埋日出
不過... 又頂唔住XD
要訓一訓先!!!!!!!!!!!

訓到七點幾就起身, 出發去機場LU~~~~~~~

就這樣, 我地就要回香港啦啦啦啦啦啦啦啦啦............................



Ck仔。樂遊四方。