2016年3月21日 星期一

有得玩, 有得食 - 大阪李朝園

成日收工行過見到都有D人排下隊, 終於黎到試
呢到最出名應該就係章魚小丸子~
可以自己整, 價錢真係唔算貴, $98 有18粒!

黎到店員會好細心咁教step.
先落50%漿, 落料, 再落滿漿

章魚小丸子 - 銅鑼灣的大阪李朝園)
章魚小丸子
 
之後一半熟時就反, 哈哈, 好難反!
但過程好得意!
章魚小丸子 - 銅鑼灣的大阪李朝園)
章魚小丸子
 
幾經辛苦先整到~
不過18粒好似太多... 有D難control... haha!
最後加上木魚,醬,紫菜粉就食得
 
章魚小丸子 - 銅鑼灣的大阪李朝園)
章魚小丸子
 
幾好味~個人認為好食過好多章魚小丸子店賣既o個D, 有D會好滯, 但呢個唔會.
雖然章魚細粒左D, 但係好"煙un"! 所以都足夠
我地有一半加左泡菜, 一半冇加到, 有泡菜既味道惹味D, 唔加既就淡口少少
木魚好好食!!! 個人勁鍾意食木魚, 而份量都好夠!唔洗怕就住就住.
不過由於唔識睇入面熟唔熟, 我地有幾粒好似唔係好熟咁..
但我估全部D料都係本身熟的, 同事後都冇肚痛 tongue 就由佢啦哈哈!

呢到有min order 除章魚小丸子以外仲要再叫其他野, eg 野飲
(可能防止個個客只係入黎玩小丸子啦 tongue )
但如果正常晚餐, 只食小丸子唔夠的.
所以我地仲叫多左個日式牛肉火鍋同埋軟殼蟹沙律
但整小丸子真係好忙, 個火鍋我地搞到D牛熟曬, 個火熄埋都仲未食到第一塊牛...
可以建議番食完小丸子先上其他野, haha!
 
日式牛肉鍋 - 銅鑼灣的大阪李朝園)
日式牛肉鍋
 
個火鍋好味道~ 個湯底比一般日式店既甜
牛好味, 好似大約有4-6塊.
雖然我地隔左好耐先食, 其實塊牛都已經熟曬, 但都唔會話好"un", 入口依然好味!
值得encore!
配料就同其他既差唔多.

沙律就正常啦哈哈, 所以冇咩特別影相.

連埋2杯飲品, 每人大約$17X, 差唔多吧, 唔錯的體驗!

大阪李朝園 Richouen
銅鑼灣駱克道447-449號中威商業大廈地舖
星期一至日: 12:00-01:00

2016年1月8日 星期五

獨樂樂大阪之旅- 唯一觀光篇

自己一個12月去左大阪五日四夜, 由於怕唔識點搭車, 所以好多地方都冇去.... 
我只係去左心齋橋同梅田, 都係行街買野行街買街...丫, 仲有夾公仔XD
所以今次既BLOG 得1篇, 購物篇好似冇咩好寫, hahahahaha! XD

話說o係太忙同太懶情況下, 觀光我都唔敢周圍去, 因為我係未去過日本的....
好似有人帶會好D...所以一早Join 左 KK day day tour 既《夢幻BUS》三重「名花の里」✨冬季燈海(含門票+outlet優惠券), 哎... 要提提大家, 原來唔可以太懶同臨急抱佛腳... 原先想book埋《巴士輕旅1日tour》伏見稻荷大社・嵐山・金閣寺(含午餐+嵐電+門票)... 但因為.... 要3定4日前book的..haha!!! 
結果我只能去一個...

好, 我係住肥後橋站的, 要去難波OCAT, 對我黎講都係有D擔心...
所以我係搭的士去的.. haha, 大約12XX yen~ ok la :P
wow, 大約十分鐘就到了, 10:40 集合(有提最好早20分鐘到達), 但我好乖9點半就到左, haha
點知當我想影相既時候.....

Shit... 我相機粒電o係酒店............
我只有gopro同手提..........
啊...琴晚太好手尾打算叉一叉... 唉... 考慮左2分鐘返唔返去拎...
但因為唔想花多24XX yen... 所以我放棄左....



去搵早餐期間發現呢到有宅急便, 由於買得太多, 我可能要寄番D去香港先...
問過價錢, 同郵局EMS好似差唔多的, 但要自己拎過黎, 冇得過酒店..


食完mcdonald就去番集合地點 (頭先一入門就係集合地點), 當時係10:22.
丫, 工作人員已經拎住heart tour 既牌等我. 我過去點名時, 佢就帶我上車


wow, 原來呢個站得我一個上車, haha, 之後就開車了.
唔, 日本人好似真係好準時

因為知道要搭唔短車程, 我就帶埋新買既布甸狗頸cool XD
yeah~~~

(唔, 帽同褸都是新的, hahaha!)


黎左3日, 我終於望到空矌D既地方, 好舒服啊


搭左... 好似係大約45分鐘到, 黎到呢到落車20分鐘.
大家可以去toilet, or 買手信XD
但我已經買左好多, haha, 所以我唔會買lu~
其實一直都擔心lunch 問題. 因為個trip係晚上先回到難波的...
所以我買左個飯團, 以便肚餓時食XD


大約1點幾, 我終於到達第1個景點, 長島爵士之夢OUTLET!!!!
好似話係全日本最多店鋪數的XD 但我睇番, 好似得1.5小時行...
所以o係車到我就已經search定曬我要行咩路線XD 務求超快買完~hahaha


時間過得真係好快... 又真係有D肚餓, 買完野後買多個半熟芝士撻食.
(我o係香港未食過, 因為好怕好多人排隊, hahaha! 但日本好多都唔洗排, 都算幾好食, 同平...)


講番轉頭, outlet隔黎係個theme park, haha, 一路行一路聽到人大叫XD
而我, 最後收獲係2間only, 但真係好平....
但因為之前已經買左太多... 所以唔俾自己再係咁買 :P
好滿足好滿足XD


啊... 我又話觀光既^^", 都係講番正題.
我想再強調日本人好準時... 我o係原定時間遲了2分鐘到達, 因為... 我有少少盪失路.. outlet真係好大....點知, 我又係最後一個上車... (頭先個20分鐘break 我係準時到達的, 但我又係最遲一個上車.....) 丫, 因為咁岩, 我呢班係得我一個唔係日本人... 所以導遊安排左我坐最前, 佢用英文同我溝通的.
好, 上車之後, 再出發!

我唔係好記得又搭左幾耐, 但睇番, 其實同大阪都真係距離幾遠下.
終於到達名花之里+花園廣場

話說導遊唔知係咪怕我唔識時間出番黎而又做最後一個上車... 佢提點我睇完燈行番出黎要半小時.... 
唔... 今次我唔會再準時到, 會早少少架啦><



終於可以望下大自然, 很美 :)







有個溫室, 見到要門票, 原來包埋 (我搵左5分鐘先搵得番呢張野, hahaha, 大家如果去記得唔好掉)






我覺得好似薯片


Oh! 我好鍾意呢張相^^
原本打算Xmas post 呢張相出黎, 點知, 我又唔記得左, haha
而家再講, Merry Christmas XD


有呢個觀光摩天輪, 其實我好鍾意坐呢D的, haha!!!
當然再有俾錢XD






日落開始了, 坐左上去, 好平靜, 好舒服


我記得係五點開燈的. 呢個時間只係四點三四到... 已經有人排隊 @o@...


我再四周行下




wow, 開燈了, 4點50分時, 有比頭先多6-8倍人排隊 @o@
同埋係有工作人員O係到拎住大聲公倒數, 很有趣

好靚啊






D燈好details的!!!


行到入去, 好開心的! 播緊飄零燕既歌啊!!!!
同埋係有動畫的, 全部都係LED燈組成


為左唔好再最後1個上車, 我都係回去了.
回程會經過藍色隧道


晚上, 原來係仲靚!









我記得係6點集合, 今次我5點45分就返到去, 我今次係第一個上車 =W="
點知... 點知... 我等到6點半@@
唔通我記錯左係6點半集合?
哈哈, 自己一個去旅行就係有呢D傻瓜野... 算啦不過, 因為出面好凍同埋我都累累地...

回程, 我問左導遊我可唔可以唔o係難波落, 轉O係天王寺, 佢話OK~
大約八點尾到返到天王寺.

Last 1晚, 決定慢慢食得夜D~ 我落左心齋橋好大隻蟹道樂隔黎既燒肉店~~~ 自己一個人Enjoy Enjoy XD

黑毛和牛set, 再加杯青蘋果既飲品 (丫, 我唔記得左有有酒精的, haha, 但好似係有的)


食完覺得仲可以食, 就叫多左個湯


之後再黎多個冰士多啤梨奶~


結果, 食到12點先回酒店, 哈哈!

唔知會唔會打第二篇, 先分享一下.
原來自己一個去日本都冇咩大不了. 算係比想像中易搭地鐵, (如果唔去D咩景點只shopping 的話)
大阪, 我喜歡上了, 我覺得下次可以同朋友黎, 再去其他景點 :P
而且, 又可以再去下東京, haha! 至多, 咪再book day tour lor XD
有左經驗, 我相信下次會好D的^^
Yeah!!!!!

2015年6月22日 星期一

台灣花蓮新組合之旅~~~~(5D4N) Day 4 - 完!

Ck仔。樂遊四方。

第一日:: 飛啊飛-> 轉火車-> 市中心-> 彩虹觀光夜市-> 石屋燒肉火鍋
第二日:: 七星潭-> 清水斷崖-> 太魯國-> 松園別館-> 自強夜市
第三日:: 七星潭-> 牛山呼庭-> 石梯坪-> 月洞奇觀-> 山灣水月溫泉會館
第四日:: 回台北-> 無老鍋-> 寧夏夜市
第五日:: 回港之用

對唔住... 拖左咁耐先打...
haha~~~
不過遲到好過冇到XD 對吧?!

好, 一起身嘆多嘆個溫泉會館就check out~
話說我地前一晚買多左個火車飛
因為職員教我地唔好返花蓮搭火車, 的士貴同埋花太多時間
不過因為太耐關係...
我忘了新買既火車站係叫咩名...
但搭的士大約10MINS就到
如果大家都係去呢間會館, 可以問職員邊個火車站最近呢 XD

去火車站前就食一個輕便午餐,因為係小店, 可以唔好期望太多. 哈哈!!





大約五點零去到台北車站, 第一件事就係搵locker 放低D 行李!
都好FULL, 搵左陣先搵到吉既LOCKER...
(其實我好怕會盪失路... 因為對我來說.. 太大... 同埋四方八達咁...)



然後就買手信!
因為時間唔多XD 大家分頭行事~
haha.. 我本來以為自己唔會買手信架= ='
結果...
一袋, 二袋, 三四五六袋

有趣既係有一間賣餅既叫我多買2罐, 就送我一個環保袋.
本來我都說不用了



點知... 拎到最後, 真係太多袋, 我就返返去買多2罐餅 XD
hahahahaha!
然後阿姨好好人!
幫我一次過pack好曬入環保袋!
我只拎一袋就OK LA~~~ ^^

去酒店City Suites, 唔好講笑, 唔差喎!!! :)

Sorry, 因為玩到第四日, 其實...
我又開始好累了... 所以單反已經收起了, 以下落黎全部都係用手提影..
請見諒XD






因為book左食無老鍋, 放低行李就立即外出了
朋友係用個apps book的
好似好方便
下次等我問佢咩apps黎先 :P
Yeah! 終於有得試!
不過去到都要等大約15分鐘先有位~~





呢個豆腐冰淇淋幾有趣 ^^


點解得3個人? 因為我地個好朋友又捨我地而去, 自己去左台中 =___="
Anyway~~~我地也玩得快樂的!!!XD


食飽後就再去酒店附近既夜市. 
(話說本來冇咩PLAN, 係搭的士期間見到有個夜市, 最後一晚冇理由咁早返去架嗎!!!)

因為食得太飽, 所以唔會食野~
見到有攤位玩~~~~
我係咁話好想玩XD



結果玩攤位都玩左幾百蚊港紙
哈哈!!!

我明明想換布甸狗..
結果我只可以換到對襪同小公仔...


換到鬆弛熊 ^^
好啦, 我誠實, 係再加錢買的...
hahahahaha!
因... 抵丫XD


千簡萬簡佢先簡到隻鴨仔
不過隻鴨原來好好笑的XD
會喪叫XD


玩左個零鐘~ 班友仔又開始肚餓!!!!!!!!
OMG!!!!


隔左3個月, 其實我都唔記得自己食過咩..
真係好彩有相影低, haha!



呢個士多啤梨...
omg...好勁酸!!!!!!!!!!!!!!!!
加左練奶都唔掂!!


對, 呢個就係寧夏夜市, 
細細地, 近近地, 也不錯 ^^


well, 呢個女人買野多到要買多個大袋黎放 XD



睇下我地夜市攤位既收獲!!! XD





買生果食
不過, 呢間麻麻地...
同埋, 我睇錯以為係哈蜜瓜 ^^"
我... 唔食木瓜的 T^T


我終於冇後悔希大GIP去...
執都都唔洗執!!
hahahahaha!!!!!!
完全放進去後格 XDXDXD
So Happy!



之後一日其實一早就要去機場了~~~
所以到樓下食左個早餐就出發^^"

都幾好味~~
多選擇!!
如果有2個人, 住呢間酒店確是不錯!


去5天的台灣~
打了3個月的遊記
終於完成了~~~~~~~

不過, 好快, 台灣我們又會再見面了 ...
hahahahaha!!!!!!!!

不過黎緊去, 係去洗滌心靈

七月中, 一人旅行的台北! 等我啊!!!

今次自己去, 咩都要自己Plan....
住咩酒店好呢?
我想
1) within $500 / night.
2)有wifi, 
3)近鐵路, 
4)附近最好有不少Cafe.
5)如果有浴缸就好了, 可以浸下浴~
好似好多要求... 哈哈!!!

頭3樣係首要啦 :P, 4,5 係bonus...
哈哈!!!
因為今次應該未必會周圍去玩...
只係想靜下....

Anyway...
多謝收看 :)