我的Fans Page，紀錄工作以外的一點一滴.
26/1 星期日再到中大睇櫻花
對上一次已知櫻花樹好矮, 所以就去左租枝105mm marco玩下
試下枝鏡岩唔岩心水, 如果岩, 好有可能就係下一個目標 J
一去到CU, 由2位前CU人帶路, 去左和聲canteen lunch
聽說係新既canteen, 又真係幾靚, 有海景睇, 不過因為CK仔已作病…
事前已經食左包, 都冇咩胃口, 就只叫左個沙律同熱麥精就算..
食完後就出發櫻花導賞圑
期間竟然俾大家發現到有一棵桃花!!!
大家都嚷著要圍住桃花轉幾轉~~~
但發現… 大家係唔知應該順時針定逆時針轉~
當然科技發達, 大家立刻上網search,
發現好多說法
其中一個幾有趣, 就係睇你係咩生肖, 就要轉幾多個圏
不過其實我一直掛住影桃花… 都冇咩留意到大家既說法,
所以我都係唔知應該要點轉 :P
上到去, 櫻花比上星期開多了
不過仲未係我心目中既多, 中大櫻花果然花期長, 開得慢.
有105 marco係比上次方便D, 因為D花細, 有marco可以影得近D.
不過有同事都講呢枝鏡始終好少機會用到.
咁又係, 你問我係咪好鍾意影花, 又好似唔係…
都係要再諗諗先會決定買
影完一輪, 我地就四周走走CU.
記得中七個陣既AYP, (相信好多中學生都有JOIN過XDXD)
我簡左攝影, 都有黎過CU影相.
呢到的確好多地方都值得影, 可惜天公不造美, 今日天色好差.
而CK仔藥力發作, 成個人都冇力, 只係好想快D回家休息…
都冇咩點影.
其中朋友用Z1影既相, 覺得好有趣, 想同大家分享下
好似暫時都係得佢可以做到AR, 隻恐龍又幾似喎:P
行左去朋友超級極力推介既流水小橋/瀑布仔, 又要落樓梯….
哇….琴日先落完近1000級.. 今日又黎?!?! 狀態差到不能….真係有點吃力…
黎到, WELL… 冇流水,有小橋, 不過比預期差, 哈哈!!!
朋友話今日唔知點解冇流水~~~
算啦XD
之後再行去未圓湖, (就係咁, 我地就由山上行到山底, 哈哈!)
不過真係太累太累, 我都已經再冇影相…..
今次之行, 如果唔係病倒, 相信會更開心!!!!
希望同我同行既朋友冇掃興啦!!!!
下次病都係唔好格硬去行山影相… 結果換來…. 5日都唔好, 日日食包, 通粉, 粥…
真係口淡到不能 T^T
雖然櫻花未開曬, 不過我應該唔會再黎影嚕, 有興趣既朋友, 新年尾段再黎, 我估都應該仲未落的
尚有其他櫻花遊記:
率先試睇2014香港櫻花 - 中文大學
http://ck1001.blogspot.hk/2014/01/2014.html
