CK小感覺︰晚孃終篇：風月無邊

印象中好似係第一次睇泰文片, 感覺好新奇. 尤其係一套泰文三級文 :P

我冇睇到第一集, 但上網睇番成個故事都知大概講咩~

聽朋友講, 佢係經典作品黎, 都被翻拍過好多次~

睇完之後, 覺得男主角真係好靚仔!!哈哈, 不過可能始終太後生, 加左鬚都唔大當家霸氣

套戲愈後會精彩一點~ 因為好多個位都今我感到男主角既孤獨, 無助.

男主角既老死生活較令人渴望, 有家人, 有事業, 滿足現狀, 努力工作. 

最後老左, 仲有個叻既孫~

有時候, 人既生存不只是求財, 還有。愛。

戲中男主角就是由細到大都缺乏愛, 令佢一度被眼前利益, 過往屈辱, 被忽視而衝昏頭腦, 

做出好多違背佢原來性格既事.

去到最後, 佢只剩下幾十億... 除了錢, 什麼也沒有. 真叫人感到可惜...

不過一如以往, 三級片劇情一向唔算合理, 就好似肉蒲團咁, 可能畢竟係好多年前既文學作品.

我估欣賞情色文學作品既人會較愛呢部戲.

CK小感覺︰罪迷宮

套戲好意想不到, 完全冇諗過結局會係咁樣,
本來只係以為亞歷士精神分裂, 原來佢都係受害者,
佢俾奇勒打, 困密室同埋用熱水灑..
真係睇到唔忍心睇...
呢套戲內心戲份好重.
當你認為法律已經唔可以為你伸張正義時,
你, 又會作出咩決定呢?
理智和衝動, 誰會勝出?

睇到最後, 先發現戲入面好多野都穿插左.
例如係神文地庫既屍體應該就係老太太既老公?

那個迷宮, 令人失去意志, 原來應有既道德.
亦走唔番出來.

英文戲名Prisoners, 因為, 在戲中, 每一個人都是Prisoners.

什至洛基警長, 若不是逼犯人, 那他也不會吞槍自殺
奇勒困禁亞歷士, 秘密用刑
奇勒朋友也成了幫兇, 埋沒左一直相信的價值觀
老太太夫婦, 每年捉走眾多小孩, 以彌補他們喪子之痛, 對上帝既抗議.

最後, 到底奇勒會被救還是失救? 作者留白了結尾.
但無論生理上被救沒有, 心理上都已經失救, 佢做過既野,
我相信醒過來後也沒法被原諒.

2位男主角都做得好好, 尤其狼人那種狠心, 痛心自己, 都能觸動人心.

呢套戲, 睇完後總會有"思想"

如果喜愛CK仔寫BLOG, 請LIKE 我Fans Page ar ^^

有你地既支持, 是我行動的原動力! :)

https://www.facebook.com/chiuck1001

CK 小感覺︰飢餓遊戲2 - 星火燎原

年頭開始就知HUNGER GAME 有第二集, 一直期待住! 
所以上畫第一日就即刻去左睇~~XD 
今次仲睇IMAX~ 我記得我只係睇過一次IMAX, 就係睇BATMAN~

個陣都覺得好正~ 今次未睇時都覺得會好好!

一開始時用番大約半個鐘去交代番之前第一集既片段, 認真說~好有用.

因為我都唔記得左黑密特係邊個, 同埋原來katniss 本身係有個男友~ 

(SORRY, 睇得太多戲, 冇咩記性每一套細節:P)

所以我幾鍾意開頭既交待.

佢地去巡遊個陣, 睇番每個逝去貢品既相, 真係好慘..

尤其個小妹妹…… 呢到都有D想喊, 同RECALL 番之前佢地既友誼.

之後去到佢地又要去玩過… 見到有個婆婆代個女仔入選, 個下我就好驚..

好唔想睇到佢點俾人殺…

同埋今次既貢品全部年紀都有番咁上下, 真係同之前個感覺好唔同, 好感觸~

Katniss 既衫真係好靚, 白色婚妙, 再girl's on fire, 化身成黑紫色既裙

(可惜搵唔到相俾大家睇)

真係好靚!

Game開始睇到Sam Claflin 點樣努力救婆婆, Petta, Katniss, 都好好睇, 

同埋, 佢真係好靚仔, HAHA!

俾多一張非劇照大家睇

之後GAME 內容都好緊張, 完場時完全唔覺得已經過左2個半鐘.

之前冇睇小說, 以為得2集, 原來仲有第3集, 繼續好期待, 到時一定會去睇!

第2集好睇在於大大縮短了鬥爭場面, 加強了內心戲和文戲的比例.

正如當年哈利波特既魁地奇球賽... 第一集好刺激, 

但其實往後第2,3,4集愈睇愈悶, 觀眾追求的並不只是這個吧.

[[以別人的痛苦來成自己的快樂, 貪富懸殊, 向來世界都不公平.

其實, 生處在自己的社會之中, 就己習慣, 你不要來干預我的世界

雖然我們窮, 但卻活得開心.

人們, 被壓制得極點, 就會起革命, 這是鑑古之今的結果.]]

究竟最後katniss會同 peeta 一齊定係之前既男朋友呢?

看似對著2人都有感覺.

亦令我諗起一些心理學研究

如果在平地上, 男女相遇, 跟在吊橋上, 男女相遇, 後者會產生情素的機會率會高很多.

Anyway, 雖然都估到第3集會係happy ending, 革命成功, 但相信過程都一定好驚險!

如果喜愛CK仔寫BLOG, 請LIKE 我Fans Page ar ^^

有你地既支持, 是我行動的原動力! :)

https://www.facebook.com/chiuck1001

CK小感覺︰黑權大狀

故事簡介

廣受尊崇的刑事律師，為了搵快錢竟染指跨國毒品交易，滿以為自己有能力全身而退，卻不知世途險惡，最終身陷連場失控的意外旋渦，更禍及未婚妻及同謀伙伴！眾人迫不得已，盡使埋沒人性的「拿渣手段」以圖脫身；幕後黑手身份，也逐漸呼之欲出……

去多左郊遊, 搞到成個月冇睇戲 lu~~其實早1,2星期有睇<<字裡人間>>, 

不過套戲上左咁耐, 都冇咩心機打 :P

今次睇黑權大狀~

就咁睇trailer 同埋電影簡介, 同實際睇既感覺好唔同

入面好多位都好刺激, 同時亦會令人諗好多野.

[人本性墮落]係呢套戲既中心

戲中每一個人都因為貪婪而獲得不好的下場.

套到這個現實社會之中, 有時候, 自以為冇人知, 自以為其實唔係好貪

卻不知不覺間跌進了一個大黑洞.

什至失去了至愛...這, 絕對比自己死掉更有遺憾吧?

題外話, 畢彼特真係好有型!!!!!好有魅力 ^^

不過佢既死.... 真係好震撼... 堂堂一個咁有男人味既男人...

卻........

這裡就留白吧... 大家入場睇, 但真係震撼...

同電單車男被殺個幕都好激!!! 哈, 其實我唔敢睇..

不過入面都有D位都幾玄, 

到底大狀未婚妻係咪同金美倫之前有路?

同埋最後金美倫見O個個男人又係邊個黎?

整體黎講, 呢套戲有D深度~! :)

如果有機會, 都想睇多次, 睇番D details~!

如果喜愛CK仔寫BLOG, 請LIKE 我Fans Page ar ^^

有你地既支持, 是我行動的原動力! :)

https://www.facebook.com/chiuck1001

CK 小感覺：溝女不離三兄弟

3個字，唔好睇……
過份平淡……比起“第一次不是你“差好遠，睇完唔知想點咁……
感動位無，激情位無，十分胡鬧。
雖然用左網絡紅人ming 仔，同玩爆你個腎。（希望我無認錯）又講左多謝高登。
但套戲真心無聊。
入場唯一原因，大概只有支持ming 仔同睇沈震軒演文弱男生。
不過我覺得都係演番奸角蒲精岩佢啲。
上次讚過蔣家旻喺“第一次不是你“做好左，有進步，但今次又退步番，造作又返返黎……
唉，真係好失望。

CK仔小感覺︰ Make Your Move 鼓舞激情

期待左好耐既一套電影，一直好鍾意跳舞既片，無論step up ,狂舞派等等大部份睇曬。

加上今次見到make your move 好多廣告，相信琴晚有睇“星夢傳奇“既朋友會發現每一次廣告時間都會有呢套既廣告，好多戲開場前既廣告都有佢， 加上有derek , boa ,好吸引既男女主角， 所以今次對呢套都好大期望。


可能因為太大期望，結果反而有點失望。


不是一個專業評舞員，在我而言，看舞蹈還是整體氣氛最重要，今次既舞好似以個人/二人為主，少了一般電影既團體性，少了那股震撼人心的感覺。又也許我不太懂欣賞那種舞蹈。
好多舞蹈電影都道出了一股風氣，就是youtube 的威力。


如果用得好，的確可以省了很多宣傳費用，讓更多人認識了一些潛龍，用得不好心地，亦很易破壞很多，令人名譽掃地。


就以負面情緒爆登的香港為例，常常看到別人把一些吵架，欺騙，駕駛不當，誇張的片段upload 上youtube ,有多久沒有看到鼓舞，積極的片段Viral 出來？


好希望香港人好好利用youtube ，發掘多一點正面的片段！


不要只利用這進行大眾一面倒的批判，有時間，只知到事實的部分，很易錯判一個人的整體行為吧。


說回電影，很喜歡當中的態度，很多時我們都只有三分鐘熱度，我在想，這都因為我們未夠喜歡，又也許被挫折而磨滅堅持。有時候，當我們沒有事可以再輸時，就不妨鼓起勇氣博一鋪，用盡自己的能力，發揮自己小宇宙，大概可能會有意想不到的收獲。

雖然好多人踩狂舞派，但我真心覺得好睇過呢套。

CK仔小感覺：逃出生天

香港第一套災難3D片，劉青雲，古天樂，只係呢三樣野就值得入戲院睇！

2位男主角做得好好！男人真係愈老愈有味道，劉青雲嗰個穩重，鎮定，好有男人味好吸引.

古天樂今次扮演既角色就是稚氣多一點，為自己所想而去做。
但著住西裝，咩裝備都無，救人個幾幕都好有型。

李心潔既內心戲，同紀律部隊老公既磨擦，亦是好多女人既心聲。

成套戲好緊湊，好緊張。好多位都鄧佢驚！

例如吊臂，斷纜。
同埋入面講左好多人性。
醫生，救人救自己？
母愛既影響，女仕即使對著不認識既小孩都有種莫名親切感，保護感？
大難臨頭各自飛，為錢而失去兄弟同自己既生命。
愛是所有，救了太太就已足夠。
父子情深。

看著一幕一幕，那感受很真實，很打中心底，而我也相信，這是現實。

好鍾意入面既一個概念：可能最後大家都會死，但我想博啊，至少，我唔會後悔。
無錯，當你無野可以輸時，為何不博一博，那些常規，規矩，通通只是指引，總有些關頭要放下這些吧。

未去到超級好睇，不過作為香港人，應該要支持。

但如果下次取景係喺香港，而不是廣州，相信那種感覺會更深，這就是今次套戲的遺憾點。

CK仔小感覺：回到最愛的一天

好好睇既一套戲，睇poster 我以為只有愛情。原來還有親情。
戲內有好多位都好爆笑，真心笑了出來。
而最後親情的劇情，也很感動。


這套戲，拍出了每個人的夢想，回到過去。
如果，如果有如果。我們又會怎麼樣？
我們會做得更好。


女主角真的很美，很喜歡她：）
雖然想真一點，如果是真的，有很多位都不合理，
不過，看電影吧，就好好投入，那需要太多的合理？

看過以後，對，我們也許會很嚮往有這過穿梭時空的異能力，
的確可以改變很多事，尤其一些重要時刻，和一些曾經令自己後悔的事。
可是，如果是真的，我們會變得更加不珍惜現在擁有的嗎？
再者，這世上的人和事，互相牽引著，
我們的一個決定，不但影響自己，還影響著別人。
回到現實，我們沒有第二次。
要把每事也做到不後悔，積極面對不如意事情，就已是人生無憾。

很多事，還是要靠自己，很多事還是要去面對，沒有如果。

CK仔小感覺：被偷走的那5年

這是一套明知會哭也要入場去睇既戲。
大概劇名總有點吸引，和一直聽到朋友說好好睇的關係。

一開始的甜蜜，幸福，很喜歡那幕的每一個畫面，好舒服的感覺。

重點要說張孝全真係好靚仔，做得好好！
好少睇男主角哭得這麽肉緊，這麽真摰，從戲一開始到完結，大概我也哭了好幾幕，最令人感動的是求婚，那首歌，那個舞蹈安排，也很感動。雖然也有片段找到, 跟外國的一個真人求婚得似, 可是, 只能說, 真的很好看, 歌曲也比原來的更合適。

白百何方面，也很表現到不同時候的何蔓，當一個人不記得以前的事還想努力去想，那個感覺真的很差，很辛苦，尤其記起的跟事實有著這麽大的距離……

不過我也覺得最後寫得過份慘了，看著她不能動，還去自殺，拔喉那刻我真的不敢看……然後還死不去，變得連頭頸也不能動……
我，還是愛看Happy ending 多一點。

另外，要決定到底放手不放手，是最難決定的，無錯，人的確要求生，並非求死，可是到了一個地步，是即使你求生也不能做任何事，還要受著萬般折磨，這個折磨不止是自己，還有家人，如果給我選，我會選擇放棄。這，對大家都好吧。

有些人，在心底從來沒忘記。

最後, 歌真的很好聽


范瑋琪 悄悄告訴你 【被偷走的那五年】電影主題曲

求婚片段

CK仔小感覺：喬布斯

期待左好耐既一套戲，好鍾意睇呢類既戲，去了解改變世界的人的一生，之前都有睇facebook 創辦人嗰套，覺得一般。唔知因為個人感覺apple 比facebook 更傳奇，還是因為steve jobs 已離世的關係，這次真的覺得十分好睇。入面好多位都好觸動到我。

雖然steve 做左好多野都好令人髮指，尤其佢唔認個女個幾幕。不過亦可能因為呢種從不理會世人目光，永遠覺得自己就是世界既性格，造成佢獨特既領袖魅力。因為工作，失去所有摰友，職場上，又有多少個永遠的盟友，永遠的敵人？喬布斯告訴了我們。我們只看到成功人仕風光的一面，背後他們承受的，又有誰可明白？成套戲拍攝好平淡，卻不知不覺間過了兩小時，完全無悶場。不過略嫌不夠長盡，只做到重返蘋果後就完，如果可以睇埋之後最輝煌既時光既詳盡，咁就好了。
另外男主角扮演喬布斯也很特意細緻地模仿佢既各種神態，動作，真的好有親切感。

睇完戲後，真心想買番部iphone5s支持蘋果，可惜，睇住蘋果在steve 離世後，創意不再，真的叫人感到可惜。我亦由4s 年代的iphone ,ipad ,mba.慢慢投回windows ,android 的懷抱。究竟蘋果的將來會否像二十年前一樣，沒有了steve jobs ,沒有了傳奇？這套戲，不只是steve 的人生，亦是整個apple computer company 的起伏。 
apple = steve jobs 。

最後, Steve Jobs, I Miss You.