Ck仔。樂遊四方。
大潭水塘好似係由2014年年頭到話想行, 但講左1年都冇行到. o係呢個年初四, 終於都出動了.
幸好都仲約到4個朋友一齊出發.
冇你地既參與, 我一定唔能夠繼續行下去.
感謝你地成日陪我做我想做既活動 :)
好!
由於大家成3個月都冇行過山, 新年又玩得多.
我地約下午1點鰂魚涌出發~ 夠曬訓啦 :P
今日既路線係鰂魚涌行至大潭水塘, 再搭車走~
好彩簡呢條路, 因為o個排都好潮濕~ 又成日落雨
但呢條路係點落都冇要緊~~~ 因為全程石屎路~ (兼冇樓梯XDXDXD)
o係太古坊出口, 向右往北角方向行,
大約5分鐘就會見到柏架山道自然徑
開始有番D樹睇下, 衝啊!!!
今日天氣認真麻麻
行多左大約十分鐘到, 見到呢個牌~ 林邊生物多樣性自然教育中心
嗯.. 應該個名好似真係有少少長
佢似一間學校多D
這就是網上見過的紅屋
都幾靚
入面唔多野睇, 不過都叫有D誠意~ 同埋如果好天, o係館外影相都可以好靚的~~
繼續出發
金督馳馬徑, 個名好靚. 我成日都覺得, 港島既行山路線名一般比其他地方靚~
不過睇黎呢個唔係我地今日既目的~
ignore, 向前走
又有一條研習徑~ 呢到都幾多徑行架bor...
不過我都係估唔關事~~~
繼續走
登登, 佢地係我今日既伴
看似高少少, 個天好濛...
能見度好低
BBQ場啊
wow... 其實拎D野食黎到呢到... 都幾累...@@
今次呢條路線睇得最多既乽蜫!係BBQ場
每隔一小段就有一個, 我估前後都有8-10個
其實全部都好靚
不過唔係全部都有toilet. 好似就唔太方便..
有點浪費....
金督, 又見到你既 ^^"
向大風拗進發~
D指示都好清晰
拿, 其實.. 係咪好靚丫D場 :P
愈上愈高時, 睇得愈來愈濛, 不過其實都有濛既美 :)
好似D山水黑白畫咁^^
咁就黎到我地目標既頂啦~~~
其實呢到仲有個天梯可以再上...
好似有大約6XX級樓梯
well... sorry... 樓梯真係唔係我朋友...
我係唔會上既, byebye XD
來吧, 影番張相~ (太潮濕~~眼鏡都濛濛地 /.\)
同埋, 喂喂, 呢個位好殘眼啊!!
落山啦XD
突然有位朋友拎左幾個蘋果出黎^^
哈哈, 一路行一路食蘋果, 好健康啊~~~
呢棵樹好有趣~
2... 終於睇到D 水啦~~~
不過點解係咁既色既... 同我想像, 有D出入.... /.\
不過, 好過冇啦...
呢個色, 真係好dry ar....
呢張圖, 理應係坐上去個膊到, 應該會靚D
不過~~~~ 礙於本人身高有限...
我坐唔到啊XDXDXDXDXDXDXDXD
再行前D
哇, 好貼心啊
呢到有個位有得俾我行上去XDXDXDXD
hahahahahaha
好啦, 我可以影啦XD
Nice ^V^
食完個Apple~~~又有豆沙餅食
哈哈, 今次食好多野~
再行, wow, 呢D先係架嗎XD
靚好多^^
我地記得有個弧型既, 唔通係呢個?
但點影架呢, 同張圖唔同既@.@...........
同呢到又係乾曬
再行行行
原來係呢到!!!!
yeah~ 我至愛呢個位
其實我好鍾意睇倒影, 呢到既水好清, 倒影變到好似有好多個豆沙包咁.
好得意
望番過去都幾靚.
如果好天, 應該真係可以仲靚
咁就行完LU~~
大約9KM, 行左3個零鐘到
因為實在太易行, 我都只係飲左1枝750ml 水~
呢到絕對係七八月都可以黎^^
番外篇 ----
落番西灣河~ 肚仔餓, 去左搵野食~~~
芝士雞蛋仔, 好好食!!!!!!!!
啊... 而家諗起都想食^^"
開左個好年一齊行山, 希望2015年可以繼續行山郊遊~~~
滿足自己心靈^^
Ck仔。樂遊四方。
大潭水塘出發日期: 22/02/2015
