CK 小感覺：溝女不離三兄弟

3個字，唔好睇……
過份平淡……比起“第一次不是你“差好遠，睇完唔知想點咁……
感動位無，激情位無，十分胡鬧。
雖然用左網絡紅人ming 仔，同玩爆你個腎。（希望我無認錯）又講左多謝高登。
但套戲真心無聊。
入場唯一原因，大概只有支持ming 仔同睇沈震軒演文弱男生。
不過我覺得都係演番奸角蒲精岩佢啲。
上次讚過蔣家旻喺“第一次不是你“做好左，有進步，但今次又退步番，造作又返返黎……
唉，真係好失望。

健康新玩具之 Fitbit Flex 開箱

獎勵自己健康生活一個月, 鼓勵自己繼續健康生活~
送自己一份禮物 :P
(通通都係廢話, 想買就買啦....)

其實o係年頭, 見識過同事用Nike Fuelband, 個陣我地個個仲話...
哇!咁貴買條咁既野?
你真係有恆心....
的確, 呢位同事傳聞中由初中開始已經朝朝去游水/跑步
健康得非常. 真是令我十分佩服...
(你叫我1個月游1次水/跑1次步應該都no way....)
亦係KEEP左2年幾唯一可以朝朝九點半準時返工既同事...
簡稱一個超有discipline 同毅力既人! :)

返返來, 呢排我都有睇

Nike Fuelband, 

Nike Sportwatch,

雖然個款真係好型...
不過1來要成接近二千蚊...覺得太貴. 2來我知自己冇恆心, 3來我根本唔係跑步, 4來我冇Nike 指定跑鞋,
5來唔係好鍾意NIKE個APPS (因為個個都係跑步既XD) 6來7來 等等等因素....
我決定簡D平平地既玩下....

我睇過, 其實用電話中, 都有好多APPS 已經可以做到步數計
不過, 硬係會覺得差咁D野....

最後, 我見到約1千蚊既

Jawbone Up

Good... 上曬去Price.com 搵價錢~之後就去MK買~

點知... 我問左3間... 3間都冇...仲話已經斷左貨一排.

佢地介紹左我, $850

FitBit Flex

即刻上網睇下, 好似都OK....

同埋近期Ezone 都有介紹過.

心急底下, 我就買了~~~!!!

來個小開箱吧!

簡潔既盒仔~好似藍芽咁~

入面得好少野

呢個真係說明書?...

之後, 我就坐左係到諗左5分鐘...

我... 要點先可以開到隻野????

望左條主帶, 我知有粒野係入面... 另一條冇.... 

but... how to switch on!!!!!!!??????

嗯... 我拔左佢出黎...

Then???

同埋, 另一個USB,,,咩黎架?@@

我知可以叉電....

OPPS! 原來盒側面係有Wt's included................

至少, 我知道O個個係Wireless USB.........

但真係有D過份簡陋....

之後, 叉電期間, 我決定DL 個APPS睇下....

用BT黎connect~~~

Opps!!!!!!原來有教我架!!!!!!!!!

去到呢到... well, haha... 真係有震~幾得意既感覺

入到黎啦~~~

完全唔知點玩, 玩左2日個d free app, 好似都有得set weight height gender 等等

點解好似未SET過就話我138 lbs ? @@

(你信係真?......哈哈哈..............)

之後SET 番先, 我緊係唔會咁笨俾你地知 :P

可以死心~

連我訓覺都可以輸入info? Seems interesting~!!!

同埋有個Alarm, 不過我未係好知點搞, 試左幾次都唔Work...

再試吧~

後來再搵番多D review 睇, 原來... 

Fitbit Flex 先可以用BT/NFC connect, Jawbone Up 係唔得, 要插3.5mm

先可以同步data

當然都有D野係Jawbone好D, 例如Fitbit Flex 唔Support 中文介面, 得ENG.

上埋website睇, 用番個wireless USB 就可以同步番data

同埋多D圖表睇

haha, 見住呢堆圖表, 有D似facebook insight....

可惜佢用ENG, 我真係好鍾意Jawbone 個中文得意介面.....

唔... 

不過科技呢家野, 沒有最好, 只有更好

有恆心才是皇道~

加上, 點諗都冇用, Finally睇番Yahoo Auction, 有人代購Jawbone Up 都要$1200-1300...

Out Budget @.@..... (咁諗個心會好過一點 :P)

希望Sat唔好打風, 我要去郊遊, 順便又可以試多D Fitbit Flex! :)

下回預告:

Toshiba Wifi SD card 8Gb 開箱 :P

香港最南極。蒲台島。新體驗

蒲台島, 相信好多人都去過, CK仔終於去左了!
又講下去之前既印象:
1) 好早要係某某地方集合出海, 每日航班極少.
2) 應該都係睇到好靚風景, 好似塔門咁

搵左一輪資料, 最終決定八點九係炮台山集合,
買埋個M記早餐就去搭巴士去香港仔碼頭,
再搭10AM船出發.

呢個時間, 呢個地點...我只係諗到一樣野
我返工都冇咁早.....
皆因CK仔都係O係炮台山返工.平日返...最早都只係九點半....
1年只有1,2日8點幾返到公司.

講到呢到, 只能說句︰為左睇靚景, 影相, 我可以去到幾盡?

炮台山清風街搭38/42巴士. 本來以為係O係電車路上既巴士站, 原來要再行前D,
o係往天后方向既橋底巴士站. 係炮台山工作都年半, 但我一直都唔知有呢個站,
大家記得唔好去錯啊 :)

好好彩, 一去到就有車, 0905上車, 大約0925到落車.
(不過預等車同搭車, 都係最好預45分鐘啦)
係香港仔海濱公園落車, 一直向右方向向前走大約3分鐘就見到好大個牌

我誤以為行入去係船... 原來只係等候處, 佢有真正既船黎的 XD

俾個時間表大家, 唔好MISS 左. 星期六班次更疏, 要預好時間啊:)

船程要一小時. 11點準時到達. 上左船先俾錢, 買曬來回船飛$40@
記得keep 飛仔, 唔係回程時要補錢.

今日天氣好涼, 係船到吹到好凍.

我地有8個人, 但冇1個黎過, 落船大家就叫好快D影低個MAP

好難影, 又反光, 又好似好細, 影完一輪之後...
發現原來行前多幾步係有多個好清楚既MAP!!!

所以大家唔洗影個鐵牌 :)

d水好清!!

落船時有個女人好大聲教人點行, 原來佢係呢到原居民, 不過已經搬番市區住,
係假日先會返黎做士多
佢教完點行後, 最後一句就係︰最後一個景點就係坤記士多!!!!
哈哈, 好風趣, 我地就跟佢教咁行.

向左行過d, 又見到d分叉路, 又問另一個士多既伯伯.
佢地指點完後, 發現.... 原來後面有塊板

很有趣!!! 可能平日太多人問 :p

好快就見到蒲台學校, 好細間, 而家都已經荒廢左

(事前聽到ee教話繼續行會有鬼屋睇, @.@... 點解既... 之前search過都唔見有人講)

呢個景好有我們去探險啦既感覺!!!

唔通呢個就係鬼屋？

開始見到d好靚既風景, 好彩今日好涼快, 唔係應該會好辛苦.

終於上到黎呢個古宅, 應該就係ee講既鬼屋

好, 繼續探險.

估唔到都幾大, 幾時先去到觀日亭呢??

途中已經見到好多蝴蝶, 透光好靚 :)

2. 好似上到最高啦喎!!!

黎張大合照先~~~

第一次咁多人去郊遊~~~

呢個時候既我仲笑得好開心~~~

點解? 因為我以為已經行完lor!!!!

佢地7個話要再上去睇睇有咩~

我就唔行了, 因為好斜, 我好驚行呢d. 總覺得我會跌落山....

如果冇第二條路, 要原路落番黎, 咁咪仲驚 @@....

所以... 我就係呢條柱到等佢地....

byebye~~~~~

omg!!!!!!原來仲有好多路行架....

即係... 我一定要行上去..........................

天..........啊...............我係咁細膽架啦 :(

結果... 有1位落黎幫我拎背囊...

有2位過黎扶我上去....

呢d咪朋友lor...

影住全程...

仲要有個拍左片......... =.='

上到黎.. 有一舊大石, 唔... 我痴住你唔放架la...

見到我在苦笑中嗎...??

但一場上到黎, 點都要影多幾張相既 ^^

好大風, 吹到變左超級撤亞人~~~~

期間, 唯一既男仔拎左盒沙律出黎.

WOW!!! 佢整左西芹雞沙律, 同帶左麵包同餅, 可以夾黎食

好好人啊~~!!! (7個女仔都係冇咁細心的^^")

好厲害, 但由於我唔食西芹同埋仲係處住驚到震關係, 所以只試食左少少.

好好味^^

再行前d就去番d平坦既路, 太好了

再行前d, 有個路牌寫住左面係上第三段路, 但亦寫明路途踦驅.

我們決定不去了. 繼續去觀日亭

見唔見到最頂頂既亭? 我地既目的地!!

上到了!

不過我覺得, 通常d亭都係冇咩野睇 :p

途中, 朋友們一直在玩呢個... 係咁話幫佢地播種....

抖左陣就落山了

好靚, 連住幾個島咁

天色都開始愈來愈靚啦~呢個時候其實好似都已經1點幾...

可能因為人多, 所以比其他人行得慢d ^^

雖然靚景, 但都係腳震震....

wow, 再行, 又一靚景. 但問題來了, 到底, 係唔係有得行番去碼頭呢？

呢到似上燈塔多d wor....

有幾位勇士佢地決定落去睇下~~~

後來証實左係行到既

我地就落去了

又去到另一個好靚既景

腳震震時間又來了....

真的幸好有朋友係到, 多謝你地又扶我落去....

我有進步架, 上我自己行 :p

已經2點幾, 因為得4點船出番去, 怕趕唔切~係時候返去lu~

如ee 所願, 最後一個景點, 坤記

真係好平, 見住佢地幾大袋咁係市區搬d材料入黎煮. (同我地同一班船的)

其實佢收$30-40 一碗麵相信大家都會食.

一坐低, 第一時間買水飲! 上去時得1枝寶礦力, 同朋友俾左半枝水我...

如果大家去, 記得起碼要有1L 至 2L 飲品, 今日咁涼都咁口渴, 

如果熱d一定仲辛苦.

好快就食完麵~~點解??? 嘻嘻!!!

我見到.............

坤記隔黎好多蝴蝶啊!!!

正過10年前既鳳園!!!

不枉我拎左枝 70-300mm VR 黎!!!!!!!!!!終於有用!!

玩左半個鐘至九個字, 好開心!!!!!!!! :p

好滿足, 好耐未試過係咁有陽光底下怒打蝶啦.

大約三點三我地行番出去, 睇下d士多有咩賣, 

呢一間就係我地入黎個陣問路既第一間士多

呢間士多既婆婆係到住既.婆婆都應該有八十歲~~

同佢傾計知道佢地都冇乜人o係到住lu... 個個都出曬去.

我問佢咁d日用品點啊?

佢話要出番去香港仔買...

突然個心有種唔知點形容既感覺, 

HK, 仲有好多人係好原始, 即使已經冇咩人住, 交通, 日常生活何其唔方便, 

但仍然熱愛住自己既地方. 滿足著現狀.

對比起那些每日o係商場上你爭我奪, 利字當前既人來得更幸福.

有時, 生活可以好簡單, 好幸福.

但原來, 唔係每一個人都可以做到.

朋友們都係到買左d相思茶, 蕉, 話梅等等走~

(呢間賣平碼頭既一半, 話梅賣$5 一包, 碼頭賣$10)

朋友食過話幾好味, 大家可以試下!

4點有船, 我地係赤柱到落., 行左陣, 就出番市區嚕

即影即有回顧~

突然有個想法, 好想將佢地痴曬係間房到^^"

去後感:

1) 我冇諗過要行4個鐘..以為只係塔門咁上下大,  結果4個鐘我地都未行得曬全部. 

2) 太大風, 好多路都唔夠平, 唔洗帶腳架. 我怕吹跌所以都冇開過.

3) 一班人去好d, 3台係收唔到電話的... (123收到)

4) 多謝朋友既照顧, 我先至完成到^^ 如果唔係, 我應該O係第一個位就放棄了

5) 沿途冇廁所, 係得碼頭附近先有, 如果要成日去既, 記得出發前去左先.

6) 一定要帶多d水.

7) 真係好多蝴蝶, 只係入黎影蝴蝶都抵.

最後, 第一次咁多朋友一齊郊遊, 又有另一種感受, 同一個人, 兩個人, 四個人既感覺都好唔同.

仲有d 新朋友仔JOIN 我地. 其實熟我既朋友知道我好少可一班朋友帶新朋友一齊玩, 因為其實我係真心慢熱同怕尷尬, 我好易有種抗拒感覺. (我知每次講出黎你地都唔信).

不過2013年既我已經有進步, 多左同新朋友接觸^^" 加上今次既新朋友仔個個都好好人. 好高興認識你地. 只要你地唔嫌棄我細膽, 希望下次有機會再一齊郊遊 :)

原來不知不覺間O係一個月內已經去左十個地方, 希望我會堅持落去.

成功與否, 朋友好重要, 各位願意拖住我周圍走既朋友, 快快來join 我吧!!

亦非常歡迎提供簡易景點路線 :)