好了, 終於有時間坐低UPDATE ^^
話說上回講到我玩左個既CARD GAME好好玩, 問番朋友, 叫"DIXIT"
話說上回講到我玩左個既CARD GAME好好玩, 問番朋友, 叫"DIXIT"
D咭好靚的, 玩法唔多講, 有興趣既話先再問我啦 :P
我地八點鐘陸續起身, 之後去酒店chk out, keep bag 後就再出發玩
由於唔想再行咁多路, 就去搭Shuttle + Bus 啦
上集唔記得俾番909停車場路線大家參考, 補貼番
車未到, 八掛問下的士幾錢~ 佢答我地RMB80. 有點爭扎, 反正都要俾RMB50, 俾多三十就可以即走, 不嬲國內都可以講價, 我地話六十得唔得, 七十得唔得, 司機都拒絕我地~
諗諗下架Shuttle就到了, o... 但係...只係一架坐到9個人到既車... 而... 位置也沒有了..
咁我地最後都係決定搭的士.
一上車, 佢串我地話"又話冇錢, RMB80 算得係D咩啊" .\/.
之後我問佢要幾耐到架, 佢答我話要半小時.
然後過多陣佢開到D歌勁大聲, 仲要係山歌咁既款,
我突然覺得好似好壯志好青春的上山去, 好似去遙遠的中原,什至係蒙古咁.
佢開得好快, 係咁爬頭, 我地... 我地一共爬左3架BUS 既頭...
果然講好價錢佢會以最快速度送到我地去目的地...
有一次佢又想爬頭, 架私家車突登駛左遮住佢... OMG.... 真的很危險~~
我們的第五次生死.
結果, 好似大約三個字就到了....我話, 2, 乜咁快到啦
佢︰緊係啦, 再耐D我蝕架啦.
@*#&@!)*($^!@&^$!&*@ 有冇咁蝕啊! 15分鐘RM80, 益左你啦!
好, 都開心既, 結果十點三到就到達! 我地第一時間要去醫肚
行到去一間叫津津(香港)店, 香港? 冇死啦? 又有出前一丁, 又有炒麵腸粉, 同皮蛋瘦, 仲有叉燒包~好似幾OK WOR!
但入到去... 佢同我地講... 開11點............
D店員食緊早餐...
其實呢到好多食肆都冇開, 一係有D就執左.
搞到好似我地食午餐店員又要食午餐, 我地食早餐, 店員都係食早餐....
我地再行多幾間, 都係覺得津津好似最岩食.
就等到十一點再入去...
榨菜肉絲出前一丁丫唔該~冇出前一丁啊, 得米粉河粉.
咁... 粥呢？ 冇啊.
炒麵? 炒麵要2點後.
@#*($&#@!*()$&!)*(@&$!*()@&
OK.... 2個榨菜肉絲米, 2個蕃茄豬扖米, 1個蕃茄豬扖河,唔叫野飲RM158.....
個樣係咪好似好好食, 但個米粉係完全冇味.. 唔. 好難食.
仲話係HK野... 影衰了HK...
算, 玩要開心的^^
黎番張黑天鵝先~~~
沿途好多呢D... 其實... 佢地係真人黎架!!! 如果前面地下有牌既就係假人
唔... 其實佢地都幾辛苦....好彩呢2日唔算太熱
出發去茶田啦!!!
哇, 吊橋啊, CK仔好驚行吊橋架!!!!!
唔, 我地都係先向前行先, 轉頭先返黎啦 :P
再行多幾步, 哇!!!仲有條仲長啊!!!!!!!!!!!!!!!!!! =_="
還是再行吧....
終於, 冇得避, 要行吊橋了....
我的第一次行吊橋... 第六次生死 :P
豁出去!!!!!!!!!
行出左少少, 已經覺得好靚, 嗯:) 不枉行出黎
然後我開始大膽話不如坐低影丫^^
行到咁上下, 我已經唔驚了, 因為, 好穩陣的感覺
我已經自己行, 唔洗扶 :P
不過最搞笑既係.. 行左過去, 原來... 冇乜路行的... 係要行回頭路架= ='
咁樣... 如果大家去, 其實唔洗行曬....行一半就OK... HAHA!!
OK~行第二條了..
還好, 都係好穩陣既感覺
靚 :)!!!
咪住先, 點解, 仲有一條好似唔係頭先O個條黎既????
OPPS..... 呢條好似仲長!!!
Can you see me ??? :P
Will it be better ??? :P
不過真係好靚
我地大約行左2個鐘到, 行完都已經有點累
其實途中仲有好多望不見盡頭既路 ~,~
行番落去, 都大約用左20分鐘???
食番杯雪糕抖下先
RM22/28 一杯, 正常, 唔係特別好味
返返茵特拉根酒店到抖下, 去下Toilet 睇下雀仔 (大堂內有4個大鳥籠, 每個大約有5-8隻雀仔)
拿, 你諗咩啊?你諗架渣 :P
之後我地就搭番BUS 對去大峽谷了
搭BUS, 中間都訓著左, 真係好累...
落到去, 睇番酒店隔黎個瀑布, 係咁易都要影番張相
但大家累到已經冇動力影合照 (其實只係2點零....)
之後見到有真人CS玩, 好似幾有趣, 就去玩啦~
唔知大家睇唔睇到PT2....
請盡量保持背部乾爽, 並請了解遊戲規則......
哈哈!!!! 好似2句冇乜關係 :P
後來諗諗下, 應該要著背心, 但係入面玩20分鐘, D人一定出汗.
咁樣...咪好臭？
我地又望到入面D人好似有帶頭盔
唔... 我地都係唔玩了 ~.~
再行見到有4D影院, 好似幾唔錯喎, 2... 要俾RM2買一副3D紙眼鏡~真係識搵錢...
好, 我買!!! (我一路記錯以為5D影院, 好似好耐以前OP既動感影院咁)
入到去, OMG!!!!!!!!!!!!!!!!!!!!!!!!
這是影院還是公園???? = ='
好彩睇既係小王子故事而唔係海龜... (好似好多4D都有海龜)
btw... 4D 既第4個D唔係感覺咩? 冇風冇味既@.@....
你呃人... 呢個只係3D... 仲要係一個... 左右影像不太重疊, 會明顯睇到左右2個影像的4D.
算...哈哈..............
三點~又搵野食, 但因為太累, 開始冇咩心機影相了 :P 所以MISS 左, HAHA!
麻麻地好食啦...
我地已經PLAN好返到HK 要去九龍城食清真牛肉館, 食番D好味既野!!!!! ^V^
我地最後去睇SHOW~好似叫咆哮山洪~
都幾好睇, 佢真係會整濕曬某D位既觀眾. (係全濕) 真大膽 XDXDXDXDXD
四點半了... 我地決定行番酒店既LOBBY 抖抖....
等到六點半, 我地就回程返HK了.
八點返到九龍塘, 之後唔舒服的一位朋友終於好番D, 出左黎九龍城JOIN我地食飯
之後再買金玉滿堂, 搭車返去她的家, 一齊睇埋星夢傳奇大結局 :)
美滿的一個旅程, 就這樣完結.
希望下一次的旅行, 我地可以搭飛機, 去一D大家都未去過既地方, 繼續探索.
------------------------------------------------------------------------------------------------------------
朋友, 是需要花時間去維繫的, 別人常說中學同學是你一生人當中最好的朋友.
他們, 曾是見面最多的人, 曾跟你一起經歷會考,高考的折磨, 曾伴你渡過最不開心的時間, 曾分享最純真的快樂.
他們跟你亦沒有利益衝突, 沒有互相猜度, 沒有秘密.
雖然長大後, 因為不同學系, 工作, 情人, 還是其他聚會, 都令我們愈來愈少見, 什至連一頓生日飯也來不了.
可是這班最擁有赤子之心的朋友, 永遠在我心底中. 就像一朵不會凋謝的玫瑰一樣, 隨時盛放著最美麗的光采.
忘了由何年開始, 我們有一個小約定, 無論有多忙, 有多朋友, 還是什麼事.
每年的12月26日, 都讓我們聚一聚, 一個都不能少.
真的希望我們能一直遵守這個珍貴的承諾.
沒有留言:
張貼留言