我的Fans Page，紀錄工作以外的一點一滴.
Day 6 - 2/3 - 昆明火車站恐襲, 留守酒店, 機場->香港
預算到達時間應該係6:20am~所以我地就較5:45am alarm,
但係到左ard 4:15am就有人叫我地起身
我地仲諗自己係咪較錯鬧鐘...
但都係照起身先, 之後到左4:45, 真係落車啦喎@@
足足早左1.5小時
之後出閘, 個天好黑, 出面好多人, 又有好多公安
但街上冇咩車
呢個時候我地諗, 係咪因為班火車早左,
D的士大佬唔知我地呢到有客呢~
奇事來了:
我地想問路, 邊到有得打車~朋友走向一個公安 (公安背後有警犬)
公安叫停我地, 暗示要保持距離,
都見到好幾架警車, D公安全部都拎長棍/比平日長D既長槍.
咩凌晨時間咁好, 會咁樣維持秩序??
問完路後再行~因為大家都係向住同一個方向行..
我地感覺我地好似遊行示威咁, 我就打算拎電話出黎影低條街
但好快就有個公安唔知邊到出黎, 叫我唔好影, 快D向前行
走多2步, 朋友都講左句: 大陸就係咁冇自由啦唉..
結果因為夜晚對焦慢, 我影唔到張相...
再行前多200米, 都係好難截的士
因為太多人, 太少車, 俾人上曬...
企左係馬路邊再等.
好啦呢到應該冇公安鬧 :P, 影番張相先~
其實都見到有D未接來電琴晚十一點幾打俾我.
之後再睇WTSAPP, 好幾位朋友係咪問我有冇事, 叫我回覆番佢地
我仲回佢地, just arrived kunming, wt happen?
睇到最後一個, 見到有張screen cap.
呢個時候... 我才恍然大悟.......!!!!!!!!!!!!
原來岩岩昆明火車站發生左咁大件事!!!!
而朋友應該係見我九點幾後冇on 過wtsapp...
就擔心我在場, 有咩意外...
OMG!!!! 但點解出到黎, 可以冇人講咩事...
之後我同大家講, 我地心情都緊張起來, (雖然我睇到張screen cap既新聞係講緊1死2X傷)
立刻再行出多100米, 其實都幾驚, 因為o個個位都已經冇公安... 又黑...
都有D怕仲有餘黨係附近. (我認我細膽)
好彩過左陣都搵到taxi, 但因為我地5個人, 其實司機都好唔想車我地
但我地都求佢俾我地上, 係咁問佢幾錢, 佢開價rmb100, 其實如果按錶, 我估大約rmb3X就會到...
呢個時候, 當然唔理...照俾啦!!!
我地同司機傾, 佢都話岩岩好恐怖, 佢本來都想回家~
唔做了, 不過見我地幾個女仔就先車埋我地.
我問佢係咪死左1人同2X人傷左, 佢話點止啊
如果係1人死唔會搞到咁大件事. 附近醫院都有好多傷者.
佢估起碼死左百幾人啊...
愈聽愈恐怖.... 落車時佢都叫我地自己小心D, 最後唔好周圍去.
我地返到酒店大約六點零鐘.
本來book呢間平價酒店(HKD3XX)就打算只用作梳洗, 之後keep bag 再行去圓通山+動物園
真係好彩冇book火車站隔離既酒店....
結果... 我地決定早上都係唔好周圍去, 留番係房就算.
好彩酒店知我地5個人都俾我地入...
好累, 梳洗後我都又訓番~ 到到十點幾, 電話響, 係大陸電話黎
聽左, 原來係麗江新納大酒店既林總打俾我地, 話昆明出左事
問我地到左未, 同叫我地要自己小心D~
o個一刻, 真係好窩心!!! 林總真係好有心!
坐到十一點, 我地就出發機場
酒店冇得幫我地call taxi, 要自己行出去截
有d的士都係唔肯車我地去.
最後有架肯車, 但要rmb150....都要俾啦...
去到咁上下, 司機話, 哎啊...頭先唔記得你地超載!係5個人!!!
今日周圍都好嚴, 可能會chk 車!!!!
就是這樣, 我地有位朋友扮行李, 烏身 :P
不過最後都冇人chk 車...
入左機場, 感覺都係唔安全, 好想快D chk in
但又見未有得chk in...
唯有食個lunch先...
聽到呢個消息後一直有睇番weibo, sina cn 既news, 相.
好多人都好慘.......
其實個心情都真係不太好...
真心...笑都唔係好笑得出...
大約1點, 終於可以chk in 了...
入左禁區個心先定D...
anyway, 等左2日, 我終於買到我既果粒奶優!!!
本來18:30返到HK, 但又早到左, 17:30到就到
Hkexpress 好似都真係幾快喎!
落機後, 怕婆婆睇到新聞但又搵唔到我而擔心我
就立即打俾佢, 順便約佢出街食飯.上到佢屋企.
俾左個好大既surprise 我!!! 佢竟然煲左湯, 煮埋飯俾我食!!!!
仲要係我最鍾意飲既魚湯!!!
真係好感動! >3<
(對於好多人黎講可能好普通既一件事, 但對於一個唔係時時有住家飯食既人黎講,
呢一刻既心情真係難以形容)
就這樣, 我就回到HK了..........
話番轉頭, 可以俾大家參考下~
25/2 - 2/3, 其實都只係用左259 mb 上網...
都係FB同WTSAPP為主.
返到黎, 其實我都諗番. 丫... 其實如果我真係有任何傷亡, 到底份旅遊保包唔包架呢?
(問左好幾個朋友都覺得911後應該唔包)
回來後問番D保險朋友 (每人身邊總有幾個 :P)~
到底恐襲包唔包同騎馬又係咪高危活動, 同包唔包~
之後佢地解釋+我自己再網上細睇D字, 有少少以下分析:
4份都包騎馬的.
AIG
適用於所有保障項目的主要不保事項包括：
因恐怖襲擊所引致的損失(第 1 項「緊急醫療費用及援助」、第 2 項「人身意外保障」、第 3 項「緊急入息援助」及 第 8 項「信用卡保障」除外)
即係其實都包傷亡~~
藍十字
主要不保事項:
戰爭（不論已宣戰與否）、侵略、外敵行動、內戰、叛亂、革命、暴動、內亂、軍事或篡奪行動。
任何牽涉生物、化學或核子的恐怖活動。
即係.. 唔保?
http://www.bluecross.com.hk/ch/travelsmart/details.html#majorexclusions
HSBC
主要不受保項目
核子、化學及生物恐怖主義活動
唔包核子、化學及生物恐怖主義活動, 即係應該如果好似今次咁係刀既都包?~
https://www.hsbc.com.hk/1/2/chinese/hk/insurance/travel/highlights
Hang seng
此保單不承保下列事項
戰爭、侵略、外敵行動、恐怖主義活動（沒有參與除外）、敵對行動（無論已宣戰與否）、內戰、叛亂、革命、起義、軍事或篡權行動、由政府或公共或地方上的權力機構對財產的充公、國有化、徵用或損毀、暴亂或內亂。（第1部份第4項目列明除外）
（1） 戰爭、侵略、外敵敵對行動、蓄意破壞或挑釁行動（不論是否已宣戰）、內戰、叛亂、革命、起義、民變（其規模或程度與暴亂相若）、 軍事或篡權行動；或 （2） 任何恐怖主義活動；或 （3） 由任何恐怖主義活動引起的生物或化學污染、導彈、炸彈、手榴彈、爆炸品。
即係同HSBC一樣. 如果係刀既都包?~ 呢份寫到好亂, 睇完我都唔係好明= ='
https://bank.hangseng.com/1/PA_1_2_S5/content/pws/personal/insurance/pdfs/zh_HK/tc_travelsure_c.pdf
自此之後, 真心認為....
1) 我以後去旅行更加一定一定會買旅遊保. 而且唔會買最平~
2) 真係要花多D時間研究... 有時貴少少既保險唔係唔好... 可能包到更全面.,
有咩事都真係有個保障, 冇咁驚.
So far AIG 好似真係幾唔錯..
同埋今次出發時, 我都問定左佢地手提既PW係咩. 萬一有咩事我地都可以用到大家手提通知大家家人
下次我亦會出發時問定曬同行者係買邊間保險.
呢D... 真係做多好過做少....
呼, 終於寫完6日遊記......原來我都已經返左黎HK 10日...
又回來這忙碌的工作生涯之中....
Anyway, 言歸正傳, 今次真係好開心同到大家一齊去旅行
希望以後都可以再一齊去 ^^
在我而言, 去旅行, 不在於任何地方, 只在乎跟什麼人去.
。完。
如果大家都支持我, 不如給我個Page 一個Like, 俾D鼓勵我丫^V^
最好Share埋俾朋友仔添啦 >V<
沒有留言:
張貼留言