我的Fans Page，紀錄工作以外的一點一滴.
事隔五個月, 終於又可以出走香港玩玩了~
今次簡左昆明, 係因為十二月時見到HK Express 機票超平
連稅, 行李費, 都只係$794!!!真係超平!!!
亦幸好約到之前一齊去華僑城既幾位摯友一同出發!!!!
25/2-2/3 (6D5N)
行程簡介:
Day 1 - 25/2 - 滇池, 美食街
Day 2 - 26/2 - 石林, 九鄉
Day 3 - 27/2 - 翠湖公園, 大觀樓, 火車->麗江
Day 4 - 28/2 - 拉市海, 麗江古城, 四方街
Day 5 - 1/3 - 黑龍潭公園, 束河古鎮, 火車->昆明
Day 6 - 2/3 - 昆明火車站恐襲, 留守酒店, 機場->香港
先來介紹一下今次旅行準備~~
相機器材方面。
之前一直都冇時間為大家介紹我的新玩具 :P
對自己說過, 如果我能堅持行山郊遊, 就獎勵自己一部新機~
畢竟D80都已經太outdated了....
最後, 係新年前, 我買左Nikon D610 ^0^
仲新買了三枝鏡~
Nikon AF Nikkor 24mm f/2.8D
Nikon AF Nikkor 50mm f/1.8D
Nikon AF-S Nikkor 16-35mm f/4G ED VR
唔多講了, 留番第日有時間再分享用後感.
今次就帶左D610, 16-35 f/4, 40 f/2.8 micro, 50 f/1.8, 同埋70-300 VR
仲準備埋remote, 方便影星 & 自拍
大腳架就冇能力拎了, 就帶多個Manfrotto細腳架去以便不時之需吧^^
拎單反去旅行.... 應該都只係試過一次台灣畢業旅行...仲要當時只係一機一鏡,
之後就怕重而冇再帶了...
繼上次沙巴張床好污糟, 俾野咬搞到敏感同訓得唔舒服後, 今次旅行必帶AQ消毒噴霧, 至少, 自己安心一點吧!
最後, 就緊係旅遊保險, 話說自一次台南旅行唔記得買保險搞到全程個心囉囉攣後,
我每次旅行都一定會買番旅遊保....
今次簡左AIG Travel Insurance.
始終個心覺得買旅遊保, 保險公司會比銀行既好.
好簡單, 都係上網填資料, credit card就買到
有3個Plan, 平既$48就有, 去到最貴既$132都有.
其實, 保險是保障身邊人, 所以, 我選了最貴的plan...都只係貴多幾十蚊.
但萬一有咩事, 其實保額都幾大分別...
尤其經過今次呢個Trip....我對保險有更大感受...
o係最後一日遊記中我亦會再講多D保險重要性...
如果大家記得新聞...就會知我Day 5... 就係從麗江往昆明火車站的一日.
這個3.1昆明恐襲...和我很近........
哎, 唔好講掃興野住!
先講番又開心, 又興奮的旅行先!
Let's Start!!!!!!!
今次搭中午十二點一機~ 幾個朋友都係住TKO~所以今次..我終於唔洗再搭的士:P
一齊搭A29 出發~~~~7:45從寶琳開出, 大約7:55就到煜明苑對出~上車去
好快! 1個鐘就到機場!~所以9:00我地就到了~
有大把時間~去到就買電話咭先
本身打算買中國聯通1咭2號, 但7仔竟然冇...
佢就俾左中國移動我...
$120, 但得$60 儲值~
咁我就買多$100 增值
多左個貼紙係packing到, 係咪即係特價?因為同packing上的價錢係唔同的~
呢個平D~
好似200MB唔夠用.. 我成日怕要就住就住用..
咁就簡左1GB~~~ 點用都得 :P
都算易整~
另外, 因為公司有IDD關係, 只要做2個簡單飛線~
我就可以免費接HK電話~~~ 方便快捷!!
*可能因為係中港共用數據關係, 期後發現原來張咭係昆明都上到FB, IG!
但只得2G上網, 真的比較慢..
慣例去到機場食早餐, 啊, 突然好想食燒味飯!!!
雖然好奇怪, 但就係好想食 :P:P:P
排隊買時...omg...要$108 雙拼?
太誇張了吧!!!!...結果我都係M記算數....
上機了~~
第一次搭HK EXPRESS~
上到機, 座位都尚算舒服~~
但起飛遲左成8個字先飛到...
12點9~飛啦!!!!!!!!!
雖然遲左起飛, 但仍然係3點到昆明~~~
又冇遲喎~~~
望到D景, 心情好興奮, 我終於去旅行啦!!!!
昆明長安機場~好新淨, 仲有這個土豪金 :P
其中一位朋友未換錢, 以為呢到機場好易搵, 點知搵左半小時我地都搵唔到...
就放棄了... 打算返酒店先換~
的士到酒店~
wow, 佢真係起標架喎, 都幾均真~
結果花了RM13X到機場, 都幾塞車...
我地既酒店, 我記得係滇池附近, 方便去景點 (本以為)
湖景酒店
一入到黎, 哇, 好靚啊!!! 原來係golf hotel 黎@@
鋼琴後面係食早餐既地方~
check in / out reception
黎到都差唔多四五點~
酒店房係尾房, 兼房號242...
問左朋友介唔介意, 大家都話OK, 咁就入去了
因為第一二日只有3個人, 另外2個朋友要到第三日中午先join我地~
所以只book了一間房 :P
我地agoda book 大約千三四蚊晚~~~
但黎到lobby睇, 要rm19XX 一晚
感覺抵左, (雖然一向都知lobby價一般都貴D), 亦唔怪之得咁靚!!!
仲有得俾你簡睡枕 !! (啊... 但我地都忘了試...)
插頭係國際插頭, HK三腳插直用~仲要可以日間不斷電~
正!
仲要.... 原來每間房都有個小露台!!!
好驚喜!!!! ^^
露台望出去:
歎下先~
影完一輪, 我地要出發了~
但呢到比較隔涉, call唔到車, 酒店有呢D golf 車車我地出去, 再截的士~
酒店景色:
都車左五分鐘到先出到黎呢到~
之後周圍好多的士,
有人俾地圖我, 我見我地冇, 咁我接左一份..
OMG... 之後十幾個人圍住我...係咁俾地圖我...又CHUR我搭車...JOIN行程...好混亂...
結果... 我被逼拎左十幾份.... 下次記得唔好接..............
本身打算去翠湖公園/大觀樓...
但因為已經五點...應該塞車中...
有個的士司機呃我地話翠湖關左啦咁夜...
大觀樓都關了....
咁我地......呆左一陣.....
咁.................我地去邊好.......
後來有個阿姨係白牌黎...
我地問佢滇池幾錢...佢話RMB20, 咁我地就上車了
點知... 原來滇池入口就正正係酒店另一個出口行少少= ='
仲有.. 我地一直覺得滇讀鎮... 係咁鎮池鎮池, 阿姨本身都聽唔明...
原來普通話係"dian"...哈哈, 到底...廣東話點讀呢? :P
一上車, 阿姨就話的士司機呃我地... 翠湖係免費公園.. 點會關丫
我地... 都知.... 既..... 不過已經五點幾, 怕去到已經天黑, 先最後決定唔去 :P
到了!
原來呢到唯一可以做既... 就係坐船, 但索價rm350...
哇... (我地每人只係唱左rmb 2000 @@)
諗左好耐......
阿姨幫我地講價rm300....
一場黎到.....唔坐又好似冇野做..
冇理由咁快去食野架嗎...
好啦, 上船~~~
一人一件救生衣~~~
今日陪我的2位美女~~~
一開船, 哇!!!!! 好多海鷗跟住我地啊!
好得意!!!好靚^^
真係好多隻, 覺得RM300 都抵啊 ^^
韓紅照出沒...
每次去台灣/大陸, 都會有人話我好似韓紅..
唔知今次有冇呢.............................
遊左大約半小時, 其實佢D介紹.. 我大多都聽唔明~
HAHA!!!!
我有我影相, 佢有佢講:P
上船後, 有班學生係到扔麵包, 引曬D海鷗黎
好靚啊!!!!
可惜我得枝16-35係身......
之後去美食街~ (Taxi: RM50)
一落車, 好大個百佳@.@
其實昆明都幾好發展咁喎:P 唔係落後地方~哈哈!
呢間建新園朋友話係昆明出名既雲南米線,
不過知今日時間多D, 聽晚反而冇咩時間, 決定聽晚先食~
今晚食火鍋^^
有條古色古香既街~~行陣先
呢間咁中式既cafe~很有趣
街到好多呢D手工藝品買, 朋友都買左D布袋仔~
大約RMB 8-11 1個~
有好幾間bar/cafe都好靚
最後我地簡左呢間食
百威金裝啤酒~ 好好飲!!!
豬骨鍋底~
好足料, 有5舊大豬骨
因為食完早餐後就到呢餐, 我地個個都好肚餓, 叫左好多野食
埋單RM3XX~~~都OK!
因為真係幾好食
再行下, o係呢間麵包店買左D包聽日食
見到呢個cake...真係不敢恭維...(我唔食榴槤的)
返到酒店都十一點幾~ (TAXI: RM3X)
自己落左樓下影星星
D星星好靚啊^^
就這樣~就結束了第一天
期待聽日既石林九鄉之旅^0^
講番呢到天氣
下午一D都唔涼, 好熱. 晚上都唔凍. 都係一件恤衫就足夠~
我仲帶左件褸同薄羽絨~手襪~冷帽黎, 睇怕都帶多左~
(睇天氣預告係6-23度)
如果大家都支持我, 不如給我個Page 一個Like, 俾D鼓勵我丫^V^
最好Share埋俾朋友仔添啦 >V<
沒有留言:
張貼留言