邁向正常人生。one2free。HTC One Max 。入手

由中學時期開始, 我就係3既奴隸, 因為兒時最平最多人用一定係佢吧!
仲記得個陣應該係叫Orange~~~~~
多人用代表咩?代表我SMS唔洗錢吧 :P
記得個日高峰期, 1個月6000多個SMS.
呢D... 真係童年回憶....

去到岩岩出黎做野冇耐, 受唔住Iphone 4 + 4s 引誘~
蠢豬地續約左.... 一共4年....
上星期一問, 我既到期日係...2015年4月...
(天啊, 即係仲有1年半)

因為上網慢, 成日講電話斷線, 去親金鐘旺角我好似返左大陸咁既關係,
我一早已經想出多一個台.
但一直都想等到出到部鍾意既電話先上one2free.
點知.... 佢竟然出iphone 5s 時全世界冇曬無限上網.....
真係好掙扎...
平日1個月我用大約6-9gb....
(但我已經唔係成日DL新APP, 煲劇, 我估9成既gb都係來自公司既2個Emails....)
得番5gb...即係一定要有取捨吧...

冇用Iphone後, 我既第一部Android 係 HTC sensation XL
一用, 就好鍾意Android!!!!
用左大約一年, 就換左Samsung Note 2.
本來都有諗過轉Note 3.. 不過出左之後, 發現都冇咩驚喜...
就冇諗過要轉...

直至 HTC one max ge 出現.
其實Sony Z Ultra 已經令我好想買, 不過又真係大左少少, 褲袋好好好好勉強先放到..
今次既One Max, 就Fit 曬 Size~~~~XD

經過女人自我安慰, 強加種種藉口情況下, 我決定走入one2free~
上多個台, 出多部機~~~~

說真, one2free service 真係一流
好滿意~唯獨簡number同我想像既唔同... 記得1X年以前係會Print出黎, 之後簡, 而家都電腦化,
佢只係問左我想要咩字頭, 有冇咩combination 想要唔想要,
就俾我簡了, 所以我都只係o係3,4個之間諗左陣, 就決定個number.

最好既係, 我臨走前, 佢話如果部機壞左, one2free係會send速遞黎收機, 幫我整機
對於我呢D懶人黎講, 真係何其方便!!!

不過順帶一提, 唔知係咪時代進步, 定我一向好少拎機去維修, 見識少, 原來而家整機都好快,
上2,3星期媽咪部Samsung S3 爆左芒, 拎左去Samsung整, 個幾鐘就有得拎番
(不過唔知佢排隊等耐唔耐), 但即日有得拎番部機, 都已經好好吧!

入正題吧~

當時跟機送機套, Mon 貼, 都好正常~
佢額外送左我2張$100 惠康Coupon~

其實咁睇又唔係大Note 2 好多

厚薄程度還可以

重過Note2的~

相機到有好多野玩, 不同既filter~ HDR~ 慢鏡拍等等 (好快會出街試^^)

背面都好靚仔~

呢3個位就係可以加電池套~有額外1150mah電 (另加$199)

暫時用左幾日, 都唔錯, 電力都OK~

如果加埋電池套一定會更好~用到1日
(下星期一送到黎再同大家分享 :P )

不過新機落地, 雖然好唔想用機套... 但又好怕會跣手落地...
還是乖乖的用住先.... 但... 真係好厚啊...

One Max 手機資料
http://www.dcfever.com/phones/specification.php?id=2191