後生了十年之香港新界一日遊 - 背景篇

話說CK仔中學高form開始已經好鍾意周圍香港遊(無錢出國啊嗎...)

因為鍾意左影相, 買左我既第一部非傻瓜機係Casio Exilim Pro EX-P600

之後上左DC Fever 同班C兄C姐吹水 (對, 我來自討論區的)

仲約埋出黎一齊影相, 去得最多既一定係大埔鳳園~ (有一位到而家都仲係好好朋友!)

個陣先岩岩知咩係A, S, M mode, 新手對咩最感興趣?

緊係快門1/200 同1秒既水係會有咩分別啦~

拿, 我搵到張以前既相:P

當然... 單靠呢部P600 緊係影唔到蝶...

所以好快CK仔就買左Fujifilm FinePix S9500 Zoom

又黎多張以前既相

仲會自己無聊打下燈仔玩

再玩多一年, 就已經轉埋單反, 買左當時既 Nikon D80

由於o個陣既EX600 家族已經全部升曬去單反, 好自然地我都一齊跟大隊, 買左Nikon

而鏡都係佢地推介俾我的

Tamron SP AF 17-50 F/2.8 XR Di II LD Aspherical [IF] (A16)

Nikon AF-S VR Zoom-Nikkor 70-300mm f/4.5-5.6G IF-ED

個陣至鍾意咩?當然係淺景深(每個新手都會期待的吧??!!!)

P.S: 致各位比我更不懂影相的朋友: 我好記得好多C兄都係forum罵 : 大家唔好成日問有咩技巧, 用咩機/鏡先可以影到"景深", 每張相都有景深的! 並不是透過什麼技巧、器材才會有景深. 你所講既係叫"淺景深"

(所以唔好seven左)

附帶一張當時好鍾意的"淺景深"相.

講番影相, CK仔一向唔鍾意睇好多書本, 刨好多文去研究, 我只係鍾意影.

影完我開心, 自我感覺良好就已足夠。(所以一直都冇乜進步)

另外, 亦都一向唔識Photoshop.... 執相都只係用D好白痴既software.

所以, 我都只係玩玩下, 同Pro呢個字完全談唔上關係.

拿起, 覺得美, 有意義, 就拍下來

買完之後, 陪我走過很多地方.

可是, 自工作後, 我只用過2次.

大概就是三年前的台灣旅行, 和兩年前的下白泥日落.

之後, 相機等等, 一直擱置, 

什至去旅行都是借人的Olympus M3/4, 又或手提 / 傻瓜機就草草了事.

原因: 

1.懶出去影相, 一諗起就覺得遠. (明明以前就每星期都要從將軍澳入屯門返學) 

2.覺得好重.

不過, 近來看過了一篇Yahoo 文章

十五個香港睇日落最佳位置

http://hk.gotrip.travel.yahoo.net/article/index.php?id=21151

突然有感而發, 從前的那個我, 去了哪裡?

出國旅行去多了, 工作又多了, 人生... 不應該只是這樣的.

我在FB打了以下:

從前, 總喜歡四處去, 即使係香港也好. 曾經, 我買過一本香港的旅遊書, 希望了解, 走遍香港每個地方.

還有一個小志願, 其實我小時候是希望可以當導遊的.

長大後, 卻被種種原因拖垮了那種動力.

有機會, 有機會, 我想把未走完的地方, 從新踏上路途, 好好欣賞一下, 那怕只是香港.

就是因為這個, 我有了一個決定.

買一部新機去鼓勵自己, 再四處走走.

本來, 多番考慮後, 想買 Nikon 1 AW1

始終今次買機係想輕D, 同埋可以用番我o個2枝鏡

呢部再加防水, 那下次去浮潛就唔洗再租相機~

雙鏡$7XXX, 還可以.直頭已經去埋百老匯睇~

um...傻豬了, 原來, 只係出左發佈, 但未正式發售, 要到十月中.

但心急的我, 唔可以俾呢樣野而整熄我團火, 

突然記得鑽石山廣場有間賣過一部Nikon既雙鏡好好好平

我又衝出去

Nikon 1 V1

雙鏡 $3459

平一倍. 但CK仔向來都幾物質主義, 買番2年前出既機款?

我知自己一定好快頂唔住, 不過, 到底今次三分鐘熱度, 又有幾三分鐘呢?

反正三千多,又真係真係真係比AW1平左一半, 就試試看!

決定了!!!

Nikon 1 NIKKOR VR 10-30mm f/3.5-5.6

Nikon 1 Nikkor 30-110mm f/3.8-5.6 VR 

加埋個FT1, 

我的全家族就形成了

不過, 不得不提的是.... Nikon D80 已入塵, 和我遺失了......叉電器.

如果要用上, 我又要花一些錢, 所以, 我還是用V1先好了, 

應該滿足到我這個三分鐘人吧!!!

很快, 我亦做左一樣2年冇做過既事.

約影相!!!!

就在9月28日, 我自行到了濕地公園, 和朋友們到了大生圍影相.

還有後續大榮華添, 唔, 呢個係食既 XD

黎緊就會一一分享了!!!!!!!!!

CK仔小感覺：被偷走的那5年

這是一套明知會哭也要入場去睇既戲。
大概劇名總有點吸引，和一直聽到朋友說好好睇的關係。

一開始的甜蜜，幸福，很喜歡那幕的每一個畫面，好舒服的感覺。

重點要說張孝全真係好靚仔，做得好好！
好少睇男主角哭得這麽肉緊，這麽真摰，從戲一開始到完結，大概我也哭了好幾幕，最令人感動的是求婚，那首歌，那個舞蹈安排，也很感動。雖然也有片段找到, 跟外國的一個真人求婚得似, 可是, 只能說, 真的很好看, 歌曲也比原來的更合適。

白百何方面，也很表現到不同時候的何蔓，當一個人不記得以前的事還想努力去想，那個感覺真的很差，很辛苦，尤其記起的跟事實有著這麽大的距離……

不過我也覺得最後寫得過份慘了，看著她不能動，還去自殺，拔喉那刻我真的不敢看……然後還死不去，變得連頭頸也不能動……
我，還是愛看Happy ending 多一點。

另外，要決定到底放手不放手，是最難決定的，無錯，人的確要求生，並非求死，可是到了一個地步，是即使你求生也不能做任何事，還要受著萬般折磨，這個折磨不止是自己，還有家人，如果給我選，我會選擇放棄。這，對大家都好吧。

有些人，在心底從來沒忘記。

最後, 歌真的很好聽


范瑋琪 悄悄告訴你 【被偷走的那五年】電影主題曲

求婚片段

CK仔小感覺：喬布斯

期待左好耐既一套戲，好鍾意睇呢類既戲，去了解改變世界的人的一生，之前都有睇facebook 創辦人嗰套，覺得一般。唔知因為個人感覺apple 比facebook 更傳奇，還是因為steve jobs 已離世的關係，這次真的覺得十分好睇。入面好多位都好觸動到我。

雖然steve 做左好多野都好令人髮指，尤其佢唔認個女個幾幕。不過亦可能因為呢種從不理會世人目光，永遠覺得自己就是世界既性格，造成佢獨特既領袖魅力。因為工作，失去所有摰友，職場上，又有多少個永遠的盟友，永遠的敵人？喬布斯告訴了我們。我們只看到成功人仕風光的一面，背後他們承受的，又有誰可明白？成套戲拍攝好平淡，卻不知不覺間過了兩小時，完全無悶場。不過略嫌不夠長盡，只做到重返蘋果後就完，如果可以睇埋之後最輝煌既時光既詳盡，咁就好了。
另外男主角扮演喬布斯也很特意細緻地模仿佢既各種神態，動作，真的好有親切感。

睇完戲後，真心想買番部iphone5s支持蘋果，可惜，睇住蘋果在steve 離世後，創意不再，真的叫人感到可惜。我亦由4s 年代的iphone ,ipad ,mba.慢慢投回windows ,android 的懷抱。究竟蘋果的將來會否像二十年前一樣，沒有了steve jobs ,沒有了傳奇？這套戲，不只是steve 的人生，亦是整個apple computer company 的起伏。 
apple = steve jobs 。

最後, Steve Jobs, I Miss You.

七日六夜沙巴遊。2013年秋天 (Day 7)

Day7 old town cafe again ~Back to HK
來到LAST DAY 的早上, 我地決定再食OLD TOWN !!!
飲多杯我至愛既CHAM COFFEE ^^同埋去食多次咖央 

之後回程時去左買雪條~RM23.8 1盒~ 我結果....買左5 大盒!!!!!!!!!
(明明說過唔買返去的....不過又真係好想俾朋友試下~)
因為好快就CHECK IN 左..我地足足等左個半鐘... 今日仲要咁岩冇冷氣...係到焗桑拿咁..好準時返到HK~ 
咁樣, 我既7日6夜沙巴之旅就完結了!!!
洗費好平HK$3500-3800 到玩7日反而手信比洗費貴, 我買左HK$1200 到, 
當然都真係買左好多野~整體$8000 內玩曬7日, 我滿意^^"
因為我上次去布吉都用左過萬~

係到我有D感想同大家分享去旅行, 心態同埋當地天氣真係好重要, 
我去之前的確睇到Forum既差評, 有D擔心., 加上頭1,2日又落雨, 又冇乜野做咁, 都好似搞到唔係好期待, 仲覺得好悶~
但後來愈去愈精采, 愈去愈開心, 就更確信沙巴係個好地方
有人話見到好多大6人, 但有時, 可能佢地係台灣人, 新加坡人呢?唔係個個講PTH都係大6人黎既...
我去美人魚個次都有幾個大6人同船, 但個男人都好好笑容, 有禮貌, 後來係機場撞番佢都有SAY HI~

去旅行嗎, 就係想開開心心, 放低HK既煩惱一陣, 好好咁RELAX 下每個地方都一定有值得讚揚既地方.
只要我地花時間, 心思去發掘, 一定可以搵到.
拿, 講到咁樣, 我唔係全程開心架, 我都有個好大既唔開心位, 直頭發曬脾氣我會再另開POST 講.
因為個樣野只係個別例子, 唔想破壞大家旅行既心態

希望黎緊去沙巴既朋友, 玩得開心D!!!! 

七日六夜沙巴遊。2013年秋天 (Day 6)

Day6 沙比島浮潛, 雙天海鮮, 怒買手信, 再按摩
來到尾二的一天, 亦係我覺得全個TRIP最開心既一天!!!今日我地出島去~~~~~~~~~~ SAPI!!!!!!!!!!
今日好好太陽~~~一黎到, 真係好靚AR ~~不過明顯比馬奴干島細好多~但D水清好多!

今次有番D EXP, 我決定租救生衣同埋蛙鞋, 因為都怕整親腳
出發啦!!! 以下落黎, 你地睇相都會知我有幾開心架啦

WOW... 勁大隻海膽!!!!

係海到, 真係好舒服

似唔似係泳池入面呢 
真係好爽, 估唔到勁快我地玩左2個幾鐘~~~
之後就去沖身同走人, 但真係好滿足!!!
我個HK$450 租潛水相機果然冇租錯~~~ 終於有用
去雙天食海鮮~
桔仔冰, 奶油炒虎蝦, 紅燒鮑魚, 蒜蓉扇貝, 東星斑

2個人食, 埋食RM276, 唔... 其實我覺得都幾貴 @.@....我本身唔係好好海鮮, 但黎到沙巴又冇理由唔試下, 就豪俾佢~~~~
之後我地就返返去WS~開始去買手信~買左6大袋...勁CRAZY....
臨走前再去富源飲多次拉茶, 食多次咖央^^
之後就番酒店返番D野, 冇理由最後一晚咁早訓! 決定落去行下商場個陣九點... 啊... 我地想按摩.. 但好多都收九點...都唔做我地生意  (我仲以為好多地方都係九點前有客就會照做架TIM....)
之後好辛苦先搵到一間有, RM 56 做1個鐘腳, 其實都唔係平的...做完之後, 哇下, 佢俾份野我地填, 原來要俾TIPS @.@咁又被屈多RM10.算數, 反正最後一日~!
之後我地去左附近食宵夜~食左個星米同埋炒老鼠粉(好似銀針粉)
咁又完滿的一天了