追尋紅葉之九龍塘根德道花園

我的Fans Page，紀錄工作以外的一點一滴.

https://www.facebook.com/chiuck1001

本來一個月前已經約好了今日去大棠影紅葉, 

不過相信有留意紅葉既朋友都知近排APPLE DAIRY SHARE 左遊客逼爆左大棠.

除左己身好難上之外, 仲大大打擾其居民日常生活同大自然美景.

所以我覺得今日星期六, 一定會有警察控制人流. 真係上唔上到去都成問題 

(CK仔好唔鍾意多人的地方...一多人就冇心機欣賞同影相)

就決定跟U TRAVEL 介紹既九龍塘同九龍城景點~試下去影~

行程: 九龍塘根德道花園 => 九龍寨城公園 => 九龍城晚飯

今次仲有新朋友加入CK仔郊遊小隊, 希望唔會悶親大家啦^^

約左1點九龍塘mtr等, 哈哈, 經過多番經驗, 都係預番半個鐘俾大家遲到...

結果, 朋友們的確用盡我呢個buffer  @.@ 

唔洗趕船就由你!!! :P 畢竟週未就應該要輕輕鬆鬆既^^

1點半正式出發~今日有一位地頭蟲帶路~ 好快就行到去目的地!

個公園唔大, 比起青衣我估都細5-6倍...又或者咁講...

其實只有大約1個足球場咁大~

不過都有一個舒服既感覺

大概係因為冇咩人! :)

當然一黎到就已經見到紅葉~~

大家都紛紛拎相機出黎影餐飽~~~

玩完遠景, 當然又換下鏡玩下CLOSE UP~

其實我幾鍾意以下呢張^^

好似D賀咭/ppt background :P

除左紅葉, 仲有D 就枯既黃葉生左係樹上.

而樹下都唔少枯葉, 我估, 紅葉壽命真係差唔多到頂了

好似呢枝小樹幹咁, 就只餘下一塊完整的紅葉

大家要影就真係要快啦~~~

公園唔大, 所以只係留左1個小時就走.

不過其實有塊草地係到, 如果野餐都唔錯, 大家一定會有包左場既感覺~

呢個地方, 真係勝在夠近MTR, 大家都好方便到.

同埋人流的確好少, 你想點玩都得~ 又唔洗怕影到其他人入鏡~

唔會有好似去左街市咁既感覺~~

之後, 因為時間尚早, 地頭蟲帶我地步行到九龍城~保持身心健康!!

下回再同大家分享途中既公園同埋九龍寨城公園, 呢2個地方都有紅葉影.

其實, 1日可以去曬幾個地方, 絕對係好選擇, 

因為3個地方既光線, 樹既形狀, 周圍環境都有唔同~~ 構圖都可以唔同D~

另外紅葉文章:

青衣公園。紅葉篇。市區中的一角優雅

http://ck1001.blogspot.hk/2014/01/blog-post.html

大家可以 LIKE 我 Fans Page ar !!^3^

即使冇時間去郊遊, 睇多D大自然相, 對身心發展都絕對有好既影響!

都市人, 輕鬆D LA ^^

有你地既支持, 是我行動的原動力! :)

https://www.facebook.com/chiuck1001

即興成功︰東壩。流星雨。日出之行

我的Fans Page，紀錄工作以外的一點一滴.

https://www.facebook.com/chiuck1001

大概呢排大多假期, CK仔一直覺得3/1 係星期二... 所以到夜晚收工都冇準備到節目
真係覺得差咁D野, 點知回家時睇到APPLE DAILY 話今晚有流星雨~高峰期係03:30
只要向東就可以見到. CK仔即時好興奮, 用盡一切方法通知朋友~
好努力咁聊大家去觀星!
說真的, 今日天氣唔凍, 今晚又冇約朋友, 星期六又唔洗返工 (雖然本身約左1點出去影相)
miss左呢次就要等3個月~到時又唔知係咪夾正星期五/六~
所有野都好perfect~不過, 我欠一個同伴...

好幾位朋友都俾左假希望我, 話有興趣, 可以諗諗, 一陣答, 又係唔去.
CK仔心情一直又興奮, 又失望~~~

直至十二點, 正當準備訓覺, 咩都唔睇唔諗唔知時間.
突然收到一位朋友WTSAPP, 話不如而家入去!!!

眼訓之際~ 天使魔鬼都出左黎, 最後天使戰勝~
人, 總要一種衝動, 而最後能堅持衝動, 就變了行動.

就這樣, 我們就出發了! 準備之際, 又多一位朋友加入
Reli so nice!!!!

由於入西貢尾班小巴已經冇左, 就直接係坑口搭的士入去
(入去之前, 我地買定曬啤酒, 飲品, 零食, 以為可以暢飲暢食一番)

直接搭的士, 大約$150-170~
入左北潭涌後, 開始冇街燈, 而我地都見到真係好多好多好多星星!
好靚啊!
就好似以下咁.

大約2點零就入到去~去到都見到有20-30人係到.

CK仔仲諗緊... 點影之際, 好快朋友就已經見到第一粒流星

佢睇到第三粒我先見到第一粒~

真係好靚!

係馬路旁影, 好多的士入黎都攝鏡了....

之後我地就行入少少, 坐低繼續睇~

不過愈夜愈凍~~~

同埋好似影極都唔多滿意...

後來都冇咩點影了~

用眼睛好好欣賞, 記在心中~!!

咁靚既星星, 影得差都要給自己一個紀念! :)

3點-4點既1個小時, 的確多左, 真係好靚~!!!

期間我地只係有飲左少少茶, 同埋食曬D零食~~~

啤酒... 唔.... 太凍了... 都冇咩心機飲~ (下次唔應該再買XD)

哈哈!!!同埋我本身以為我可以播下歌仔~~~ 但周圍有其他人~ 唔應該打擾大家

所以最後都只係坐低訓低睇下星星, 傾下計~~~

事前毫無PLAN過會幾點走....

去到四點幾, 當然開始又掙扎, 應該而家走, 定係留到日出後先走?

一場黎到, 大家決定等!!!

我地都訓左一陣~ 到六點半就起身~見到個天好光, 不過記得係07:03 先係日出時間

就準備一下行番出D影~

但一直都只係光, 有D淡紅色, 但一直唔見太陽伯伯.

等到七點都係冇....我地都冇咩睇日出經驗, 唔知係太大霧所以睇唔到

定係未出黎, 最後我地就CALL車回去~不過去過既大家都知..

CALL 車走的確需時, 我估我地都等左半個鐘-九個字先上到的士.

期間, 竟然俾我地等到太陽伯伯!!! 又可以影番D~

不過.... 其實日出好似同日落咁差唔多 @.@.....

如果係咁, 較懶既我當然喜歡日落多D.......

因為我根本唔識分=W=" 咁點解要等咁多個鐘呢 :P

哈哈! 也許有天我會愛上日出, 但我知這不是今天XDXD

結果返到屋企沖埋涼都已經八點....補眠3小時又要再起身同朋友影紅葉

雖然好累好眼訓, 但我覺得係值得的!

至少, 我很快樂!!

今次去得成, 都真係多得有朋友陪我!

你地堅係好重要^^

我堅唔堅持到一直行落去, 真係好靠大家 :P

因為.... 我都話我三分鐘熱度架啦!!!!

對上一次睇流星雨已經係8-9年前...

其實真係好靚.

雖然佢明明唔係雨, 只係流星粒 :P 不過如果夾岩時間, 都好值得睇~

我睇好多C兄影既星星/星軌/流星相真係好靚

事前都有睇過到底點影先靚D, 

不過.... 其實.... 我.... 係冇快門線.....

所以今次都至多用30" 曝光

又好凍... 有D眼訓... 都唔係好有心機影....

因為今次D相的確唔滿意...

原諒我較細左, 遮下醜 :P

希望各位攝影高手可以指點下我, 點先影得好D ^V^

大家可以 LIKE 我 Fans Page ar !!^3^

即使冇時間去郊遊, 睇多D大自然相, 對身心發展都絕對有好既影響!

都市人, 輕鬆D LA ^^

有你地既支持, 是我行動的原動力! :)

https://www.facebook.com/chiuck1001

青衣公園。紅葉篇。市區中的一角優雅

我的Fans Page，紀錄工作以外的一點一滴.

https://www.facebook.com/chiuck1001

已經被各處洗版左2個月紅葉, CK仔終於都出動了~

話說一直以來都冇去過觀看

當然, 早前行山都有間唔中睇到1,2棵樹有紅葉, 但有主題地去看

倒是第一次!

今次元旦日就去左非常方便既青衣公園觀賞一番。

從藍田搭42C 九巴~大約50分鐘就到了楓樹窩體育館落車, 

一睇GOOGLE MAP, 話行12分鐘就到~

不過總覺得近D既位置會有入口!

果然不出所料, 行左3分鐘到就見到入口~

未去過青衣公園既我, 對新地方總感到好奇.

其實個人覺得, 屯門公園都係好舒服, 幾值得去, 所以覺得青衣公園都會係咁!

抖左1排, 終於見番多D 綠色野, 加上元旦日, 心情特別開朗!

有個頗靚既水池, 仲有個小瀑布~~

可惜後面就有好多樓, 份外可惜

唯有來個Close up~~~

四周仲有一D雕塑~

好快就開始見到D黃紅色既樹葉, 紅葉我來了!

呢D景色, 一直都覺得係韓國/外國特權才能擁有~

走多2走, 見到樹上好多.... 到底算是雀鳥, 還是白鴒??

金黃色的, 真的很美

再走前多點, 就到了紅葉樹了~

景色怡人~!

如果冇左背後既大廈, 應該好好多吧!

一個小小的公園, 好快就已經行曬.

沒有任何難度, 難怪吸引左咁多人來影相

我估, 這個時刻, 至少有幾百人吧!!!

因為今次係一個人去欣賞, 沒有平日的興奮, 跳脫.

相反, 打從心底的感受多了.

今次沒有拍到此一遊照留念.

相反, 我不停看著遊人的表情, 動作, 聽著他們的對話.

每一個人, 臉上也很和諧, 這, 就是我喜愛到郊外的原因.

市區中的一角, 就能帶比大家這麼的開心.

究竟, 是我們太易滿足?還是香港真的缺少這些地方?

今日, 看到新聞說大棠也被攻陷了. 話說CK仔今星期六一早也相約了到大棠感受一番.

雖然看完新聞後我都的確想了又想, 如果我去, 是錯嗎?

希望不會打擾到當地居民太多.

---------------------------------------------------------------------------------------

3/1 更新:

為左唔想加重大棠人流負擔, 最後決定聽日唔去大棠, 另去其他地方影紅葉!!

想知我去邊影？ LIKE我FANS PAGE 聽日就知道! XDXD ^V^

大家可以 LIKE 我 Fans Page ar !!^3^

有你地既支持, 是我行動的原動力! :)

https://www.facebook.com/chiuck1001