。眾樂樂之愉景灣一天長氣遊。

愉景灣, 一直都係CK仔好鍾意既其中一個地方, 上年去左2次~~第一篇近來都仲有迴響, 不過因為太懶而一直冇寫到第二篇遊記:P:P:P ~今日一次過還曬番俾大家 XD

今日約到6個朋友仔一齊去, 好耐冇一齊行山郊遊啦!!
今次既朋友仔有第一代陪我既, 亦有新加入既~所以好興奮, 好期待~!
尤其2位第一代朋友
俾D好睇少少既相引下大家繼續睇落去先XD
今次好多野想SHARE, 我變得有D長氣~~

好, 開始!

點解鍾意愉景灣其中一個原因係快! 去中環搭船只需20分鐘, 加上下午,日落, 晚上都有唔同野睇... 哈哈, 講到尾就係唔洗早起身, 臨時plan去都OK :P (我再一次承認我懶....)

不過今次, 我決定唔搭船去, 我地由梅窩行入去!!!!!!!

知道係簡單路線, 但有唔少樓梯(CK仔至怕...), 就當係測試下自己今年再行唔行到大東山都好!

約大家由荔景到東涌去梅窩~~呵呵, 有一位朋友仔遲到!!! 我諗到有咩懲罰~

大約十點半齊人啦~~~~

先來看看我地既陣容 (好多壯丁, 唔知由幾時開始, 我既郊遊團已經慢慢變得男多過女 ^^" )

o係出發途中, 朋友問左我一句, 點解唔o係中環搭船入梅窩?

opps....... 朋友. 你地真係太相信我, 太錫我... 我約時冇人提出既>.<" 

好明顯, 我係...唔！記！得！左！中環係有船入梅窩...

根據我地住既地方... 的確中環入係快好多= ='''''

結果我地十一點半先有車o係東涌有巴士.........

大約十二點零落車, 行去銀礦灣沙灘.~

個沙灘今日好靚啊

D水好清

下圖中間, 應該係我地上山位置.

經過沙灘時, 見到一班年青人o係沙灘到玩, 同大多都著住一樣既TEE
好青春啊 :)

唔好講笑, 個沙灘真係好靚, 容許我影多幾張.
從前黎梅窩都好少行到咁入. 今次應該係第一次.

準備上山!!!
Are you ready?

見到呢個牌, 冇錯了吧

沿路都有指示牌好清楚.

我既死敵來了..

每次行樓梯, 我都會唸, 盡頭呢?..........

我想望一望盡頭....>.<

上高左少少, 望番沙灘, 好靚.

大家記唔記得我頭先話我諗到遲到有咩懲罰?
hahahahahahaha....就係幫我拎backpack...!!!
入面有750ml 水, 500ml 寶礦力, 風褸, 一枝鏡 同埋雜物
唔, 辛苦你了 @o@.......

其實我都知係你地錫我既^^"
因為呢個時間, 我已經行到扯曬氣..........

拿, 我冇講邊個遲到架 :P
突然影相變得好輕鬆^^"

呢個時候, 有朋友話行到上去o個舊大石到仲靚~~~
咩話? 好近姐?
我CLOSE UP 左俾你地睇渣!!!

係咁架!!!

全部都係樓梯 :(

呢張會唔會真實D?

唔知今日我要行幾多樓梯呢?!

(事後有師兄話我知... 其實應該只有四百級以下.......)

不過又真係唔係好耐就已經上到黎~

我呢位朋友~ 好鍾意影大自然背影系列.

捉了我陪佢影左張~

o係呢到抖一抖~ 岩岩見到有其他山友行過, 諗住叫佢幫我地影個大合照.

後來發現, 2........ 少左2個既?!@@

落番少少睇下, 有位朋友唔係好舒服, 停留左下少少.

之後帶佢去番個舒服D既位坐低.

見到佢個樣好唔舒服.  好似有少少中暑跡象@@

好彩有朋友有傘, 遮一遮好似舒服番D.

抖左陣後, 我地叫佢地不如落番山.唔好格硬黎, 因為應該只係行左好少.

可以愉景灣集合.再一齊玩.

朋友諗過後, 都決定落番山抖下.

你啊你啊, 快D之後同我行多D山!!! 練番好D體能啊~~ 明明你一向叻過我架嗎~

(我擺明係投訴緊你成十個月冇同我行山 :P:P:P:P )

之後我地繼續行.

途中D樹都開始變紅了.

秋天. 這是秋天 :) 很美

不過真係樓梯依在......

青青的山~~好似就到頂啦喎~~

見到有螳螂, 好似係第一次親眼見.

同原來佢係有保護色架????

我怕佢用螳螂拳攻擊我, 我唔敢行咁埋影^^"

好啦!我見到最後一條樓梯啦!!!

準備定挨埋佢先~~~~~~

(有冇發現, 有另一位壯丁幫我拎左個back pack XD)

wow wow wow~~~你們真好^^v

yeah~到頂!!!

上到黎, 好靚啊!!!!!!!!!!!!

今次旅程, 我地有好多笑料 kai 事.

我要o係到share 1個!!

我: 丫, 呢到沿路好多呢D山火拍, 好似平日行其他山都唔係好覺眼既. 好似好有規劃咁

朋友(幫我咩backpack o個位): 啊...我諗應該係防止山火...

說後, 我啤住佢.......廢話!!!......=.='

然後一句: 你所講既野將成為呈堂証供, Blog到見~~~~~~

呢到好清涼, 好舒服!!

我上網睇過, 呢到係坪洲

見住我身後既山坡, 大家都有諗, 如果碌左落去, 點算?

欣賞左一陣風景又起行行了

幾鍾意呢個畫面~~

有2個唔知醜既人要企o係到做model~~~

(啊... 定係我叫佢地影架呢??? 我唔記得了XDXD ^^" )

睇下影到你地幾高幾瘦!!!

點解到我時.. 冇左呢個效果= =''''''''''''''''''''''''''''

拿拿拿, 落山我有乖乖的自己拎番個back pack 架!!!

見到呢個路標, well, 其實佢唔係講緊呢條路往修院.

全圖係咁樣, 大家唔好行錯~左面先岩~ 右面好似係掘頭路

有蕉啊~ 開始發問kai問題.

我: 丫, 到底係邊個種架呢~定係真係野生架呢~

朋友: 唔知啊, 可能有人種呢

我: 係啦可, 點野生呢, 唔通放舊蕉皮XD

朋友: 喂!!! 蕉皮係唔會長樹架!!!!!!! 有種子架!!!

我: 下, 乜蕉有種子架咩? o係邊啊?!

朋友: o係蕉入面啊!!!!!!!!!!!! 好細粒~

我發現我kai夠了~~~我知唔係蕉皮種的!!!!!!!!!= ='

只係打算無聊下, 不過over左, byebye, 繼續行~!

有D小流水

到左修院lu~~~

好似行好遠咁, 冇入去睇

到底係咪真係有人住?@@咁佢地平時點出入架呢..

朋友食左知識豆咁~

佢話呢棵樹好似係白千層~~

突然好似上左生態課咁

係唔係呢?

又o係附近見到D好似係黑莓既野? 黑色一粒粒~ 佢地堅稱係食得的...

哈哈... 唔知呢.......^^"

再行多陣, 落到底啦喎!!!!!!

yeah~~行完啦行完啦~

知識小王子又發現有呢個假菠蘿~ 朋友又聽到話有菠蘿~~~ 傻豬仔~~~~~

yeah yeah yeah~~~~~行完好興奮~

上網睇見到話落底後行15mins到就到愉景灣~~~

呢個時候好似大約2點尾~

都唔係行好耐姐

拿拿林行啦喂

去到呢個位... 好臭.........

因為有純天然肥料!!!!!!!!!!!

一開始聞真係有D想嘔....>.< 要停止呼吸....

忍住忍住!!! 

喂!!! 行到最入, 有隻狗係咁吠我地既?
好似冇路走既?!
見到屋入有個伯伯, 問佢先知........... 愉景灣唔係經呢到!!!! = ='
即係... 我地行錯路..................
我地沿路行番出去, 咁岩有個人, 我地問, 應該仲有幾耐先到愉景灣?
佢話我地... 應該仲有9個字...

下!!!!!!!!! 到底我地係邊到行錯左 T^T

出番黎, 先發現原來出D係有條小分叉路.
因為路牌俾另一個牌遮住左, 加左人總係鍾意行大路rather定小路= ='
就係咁, 我地頭先就MISS左呢個位...

如果大家去都要小心D, 唔好好似我地咁KAI~

係喎, 對面先係愉景灣喎@@

呢到中間都會經過一D小農地

都有用天然肥料~~~

不過氣味冇頭先O個到咁大陣味

有2隻BB狗一見到我地就吠得好大聲 (係佢地以為好大聲)

哈哈, 好得意!!! 因為佢地始終係BB, 大聲極有限

愈來愈近了

DONE!!

終於行完~~yeah~~

其實都只係三點鐘, 即係行3小時到~ 如果唔HEA同唔抖. 其實我估好多人2個鐘都可以行曬.

一出少少就有巴士搭上愉景北商場~~

一上到去, 好得意啊!!!!!!

卡通版聖誕老人!!! 凡是卡通化既所有野, 我都鍾意

重點係, 我地一樣高........=.='

肚仔餓, 醫肚先.

上次去最出第一間, 今次試最入一間~ Jaspas~

2位朋友仔回歸大隊了, 時間岩岩好.

行完山飲啤酒, 確是人生一大樂事.

不過今次唔係我飲, 因為涼涼地, 唔係好想即刻飲啤酒^^"

呢杯勁lu~~~~~叫ice cream spider~~~~

haha~~其實根據朋友說法, 應該係黑牛XDXDXDXDXD 

我飲mango smoothie, 好好飲啊!!! 另一杯係士多啤梨 smoothie~

Carbonara 係我至愛, 點可以唔叫黎試!

想食野但又唔係好肚餓, 加上坐定定都已經四點.

好快又食dinner~唔洗食咁飽~所以我地叫左fish and chip 同 caesar salad with salmon.

呢間魚柳都好食!

炸物唔會太多!!! D魚都真係啖啖肉 >3< 

好好好好好好好好食XD

salad ok~~好多料^^

其實我細個係唔食salad... 去到around 18歲, 終於肯嘗試食caesar salad 後... 我從此就愛上了 XD

好味~~

鍾意o係愉景灣食野. 因為味道好同埋對比起唔算貴.

仲有好多外國人陪住你, 呢D先係真正放假!!

食飽飽後~我情深地望住朋友, 問佢可唔可以幫我走上對面1/F 影番落黎XD

hee.. 我知佢會答應我的^V^

登登~~~呢到有幾多隻聖誕老人呢?

對, 好明顯加左隻叮噹 :P

偉大既朋友, 點可以唔出credit俾你 :P

有你既出現, 我們就有好多相^^

呢2部"車立", 一直都好想試下搭, 不過冇機會. 

哈哈!!!我竟然搵到同我志趣相投既人啦 :P:P:P

一陣夜D過黎搭先, hee~!

話說我地要黎呢到~~~

呢到不得了LU!!!

以下只會講重點, 我決定會再另寫多篇只介紹佢地

因為佢地真係值得更多人認識!!!!

%Arabica (聽說arabica 係一隻咖啡豆品種)

一入到黎好靚!

我係好鍾意木/皮/啡色既野.

呢部咖啡機好靚啊!!!! (要成26萬!!! lol....)

好啦, 其實我地黎做咩呢.

話說呢到係一個workshop~ 與其講到workshop 咁serious. 倒不如話係1個experience.

可以簡俾錢買杯咖啡佢地沖俾你飲.

or 俾同樣價錢, 等佢地教點沖咖啡. 同埋重點來了, 就係試下拉花!!!!!!!

好有趣. 另一個重點, 只係$50!!!!

以下係講解緊打奶泡過程~

這是咖啡師阿逸拉既~

到我地整啦!!

好得意啊!!~

話咁快, 我拉好左我o個杯啦!!!!

第一次, 好得意既感覺.

當然, 要靠阿逸幫手啦 :P

仲有手工咖啡.

教我地點飲先係最好飲~

估唔到我地係到玩左成2個零鐘, 唔知阿逸有冇嫌我地o曹同太多問題呢 :P

更詳細既介紹, 請移玉步到:

(LINK)

玩完出番黎落番碼頭附近都已經天黑了~

又有少少肚仔餓, 係時間搵野食!

D 佈置好靚, 不過食完先再睇^^

上網見過呢間solera好似幾唔錯~ 所以今晚試呢間!!! 係食西班牙菜的~

CK仔見識少, 平日都只係飲紅酒ge sangria ~未試過白酒, 就黎每樣1 jar~~

2個都好味!~ 不過我始終都鍾意純白酒同紅酒既sangria ^^"

上菜~~

牛面豬登~~~ 好林~

好食!!

炒蒜片蝦~

隻蝦好好食! 好爽 ^^"

上菜時教我們話如果D 汁點麵包好食呢~

仲有live brand 聽~~

炒墨魚扁意

好特別, 第一次咁食^^" 哈哈, 容許我破壞下D氣氛, 佢有D似象拔蚌XD

or 薄片魷魚~ 啊... 墨魚同魷魚應該差不多吧？  ^^" 唔知啊........

鹹鱈魚薯容春卷

我一向鍾意食薯容~ 所以點會唔鍾意食呢個呢~!

yummy!!!

呢個不得了, 係72小時慢煮豬腩肉~

見到個名已經知一定要試, 哈哈!

不過一舊就好了, 唔係都會溜

燒乳豬!!!呢到有半隻!

我睇網上話呢個係必試~~

well... 我一向都以為燒乳豬只係中國人先有.

外國既就係豬手.

估唔到西班牙風味既都還不錯.

佢個皮好脆好好食! (同豬手D皮冇得比... HAHA)

有啦有啦!八點半! (乜唔係八點??)

我地個位岩岩好睇到迪士尼煙花^^

lucky!!!

我地成堆一齊圍住睇( 係冇儀態既小傢伙)

Opps!!! 呢個時候... 我部相機竟然冇電.

說真的, 好似呢1年黎即使去旅行都冇試過影1日唔夠冇電...

可想而知今次既行程係幾咁豐富@@

所以以下既相... 原諒我用電話影............

墨汁海鮮炒飯

我知有位朋友超鍾意食墨汁飯/意粉~~不過我就一般般...

因為會食到D牙同咀黑曬... 我係會因為咁而唔食佢的!

不過對住呢班好友, 算啦, HAHA!

有人仲玩得好開心TIM ^^

但D相就唔會俾我公開啦~~~~~ ~.~.....

心情今晚真係好靚, 我要食甜品!!!~橙味truffles 朱古力

雖然已經好飽, 但呢粒朱古力真係好正!!! 加左橙味冇咁溜.

同埋佢係真心朱古力, 即係係堅料!D古古力唔係流野~~~

炒西班牙油條配雪糕

哈哈, 睇落係咪似油炸鬼先?

少少似donuts~

但我已經好飽了...試左少少就留俾大家繼續努力........

埋單唔算貴, 每人三百幾, 可以接受, 亦可以encore~

食飽飽~9點幾 出番去後, 我地仲有3個check point!!! 

1) 碼頭影佈置

2) 上番去教堂

3) 仲有...................... :P 我地要搭"車立" !!

哈哈!! Go Go Go!!~~

真係好靚!

情人影相真係一流

我地呢到都有 :P 單身既真係俾佢地曬死啦~~~~~

超超, 我既情人就係好友們^^

如果有追開我blog既, 佢地係我其中四位 best fd. ^^

So happy to go everywhere with you all!

玩左半個鐘到, 要閃啦 :P

搭巴士上番教堂. (其實每半小時係有free shuttle ga..不過今日schedule 太豐富, 我地都冇等到)

上到黎都全部天黑了...

呢到黃昏時份黎, 雖然睇唔到咸蛋黃日落, 但個天色好多時都好靚的~

只有好朋友先陪我做呢D kai野.

我都唔記得O個陣點解要咁指住個天 ^^"

我地個樣都幾精神丫 ^^, 其實我地早上九點出門口.. 已經玩左超過12個鐘.......

終於行過黎搭 XDXDXD

個感覺好有趣, HAHA!

雖然好似好無聊...

但....放假嗎!!!!!!! 唔RELAX 下點得!!!!!!!!!! ^^

YEAH~!

玩到十一點....最後....我地......決定.....

搭的士回家.......HAHA!!!!!!

因為搭完"車立"出面就有啦.... 愉景灣酒店對面

因為大家住得好近....

因為搭船轉MTR 都要$5X

因為多人夾的士大約都係$6X - 7X.

因為可以O係車到訓 :P

咁多個因為, 所以我冇理由唔所以我地搭的士...........哈哈!

好似係早排先有得俾的士入黎, 對上2次都冇的.

我估是新的吧?

我都知成日又行山但又搭的士好不該 :P

不過..........邊個叫我地個個住得咁近>V<

哈哈... 戒啦戒啦~~~~搭埋今次先 (講住先 :P)

唔好罵我搭的士, 至多我補番D第二次去愉景灣既相俾大家~~~

愉景北商場係有馬車搭的~

如果你想滿足下"遊客"心態, 等自己更覺得放緊假, 你可以坐XD 我相信感覺會提升 :P

日落前夕既教堂

拿, 我真係冇出過D相架之前~~~ 好似係今年六月黎~ o個時仲好熱~ 

訓醒冇野做, 1個人自己入左去愉景灣hea.

開始日落

好鍾意天色^^

後來朋友入左黎陪我 :P

其實點解想POST 番上次既相係因為想介紹大家, o係北商場既海濱長廊到係睇到煙花的!

上次睇個天好清, 好靚

最後送上我第一次既愉景灣遊記~

http://www.discuss.com.hk/viewthread.php?tid=22715672

呼, 打左好多個鐘, 好耐未試過打到咁詳細, 因為今次真係玩得好開心.

去行山, 去郊遊, 都係多D人一齊玩好D. 其實, 我真係好鍾意同大家一齊^^

希望大家都鍾意我今次既行程 :)

Ck仔。樂遊四方。

https://www.facebook.com/chiuck1001

愉景灣出發日期: 15/11/2014