很純的台中遊 - Day 5

旅行行程~

Day 1 - 鼎王 

Day 2 - 宮源眼科, 九乖九文具店, 勤美誠品, 吉鳥串燒店

Day 3 - 妖怪村, 日月潭, 清境

Day 4 - 武嶺日出, 清境農場, 紙箱王, 清境小瑞士

Day 5 - 老英格蘭, 觀音瀑布, 又見一炊煙, 古堡, 高美濕地, 阿財米糕, 一中夜市

Day 6 - 彩虹眷村, 東海大學, 老街, 摸乳巷

琴晚大家都好早訓~~~ 早訓到... 我訓唔著...眼光光到唔知幾多點先訓得著~
(第一次去旅行訓唔著呢@o@)
之後一早七點幾起身, 又唔願起身....
拿拿林食埋個早餐~9點鐘出去冇耐就見到阿貴(包車司機) 來了~
今天行程... 其實我們沒有PLAN...
只是說了十一點半要去到食又見一炊煙
其他就等阿貴帶我們去玩.

第一點, 是老英格蘭, 二人房最平NT11500 一晚, 四人房NT18500 一晚~
wow...對3隻窮豬來說, 好貴啊@.@...
o係出面望下OK LA~~~

好靚既山景!!

呢個reception是真的嗎？

就係呢到啦~~~

出賣下阿貴先 :P

第二次見面, 好似今早開始熟絡D

隔黎有個王家大宅係私人地方, 不過... 睇黎佢都會成日俾人影埋^^"

唔知咩人住O係入面呢

再開車~~途中阿貴停車, 叫我地落去睇睇~

wow, 好大條吊橋

此乃觀音橋

其實, 叫我跑過去都冇問題XD 好穩陣!!^^

不過阿貴話對面冇野睇的, 行一陣好返黎...

O係橋隔黎, 有得上觀音瀑布, 貴話行2分鐘就有1個小瀑布, 大既要上山先見到.

我地不會上了.

真係好小 :P

好似梅窩o個個咁^^"

掛住影相, 行慢左落番去, 好明顯佢地又係串我行得慢啦~~

吹~~~~~~咩~~~~~~~~~~~

好啦~等我擺個姿勢俾你地影個夠^^v

哈哈, 點解我地隻手會做YEAH動作?

因為我地見到阿貴好鍾意我地YEAH.

次次合照佢都叫我地YEAH.

我地一YEAH~ 佢就會好開心 ^^ 那我地就YEAH 下吧, HAHA!

呢頭埔里玩既野都比較簡單, 都係偏向大自然的.

十一點半, 準時到達~~~

個門口好穩閉@.@

好似好舒服咁

要除鞋的, 有得俾大家抺腳

環境也不錯

睇到筷子套, 我先明白係食咩...

[洗心, 隨食, 亦是禪]

原來冇menu係想咁樣!

好啦, 我都尊重場合, 收起電話, 唔睇公事住. (話說整個旅程其實每日都要解答工作....)

好好享受這一餐.

因為我有好多野都唔食, 尤其生野, 所以聽到係話食日式就好緊張....

好啦, 唔多介紹食咩, 反正我結果全部食曬^^" 除左個蝦頭

8味餸, 黎得都好慢, 大約都食到一點零....

再看看周圍環境

我們要求了甜品出去食^^

食完甜品就緊係要嘆下啦!!

真係好舒服, o係到耐左, 會好想訓覺XD

同個人真係會變慢左...

結果我地留到2點幾........ (即係如果大家黎, 要預留三小時呢)

另外, 係要提前訂位的. 好像不能WALK IN 啊~ ^^

下一站, 我地去左古堡~

都係要門票的~ (睇黎台中其實都發展左好多旅遊地點~)

呢到都係睇紅葉既勝地

阿貴話我地好好彩, 又冇咩人, 如果遲下紅葉到, 會連車都入唔到~

尤其星期六日.

D魚既咀... 哈哈, 其實我覺得好恐怖= ='

佢地開到好大啊!!!

我地只係行過去, 咩都冇... 佢地就以為有野食

我叫朋友試下扮擲野落去

omg!!! 佢地真係仲雀躍~

睇黎已經習慣左有人就係會餵佢地....

原來背後就係買飼料機~~

門口又有好多棵楓樹.

其實我地有點累... 所以留左唔耐時間就走了~ 大約四點到.

返上車, 朋友話想去彩虹眷村同高美濕地.

不過阿貴話我地應該唔夠時間. 

加上我地已經PLAN緊不如聽日都包車.

題外話: 我D朋友要求我要練好D國語, 強迫左我坐前面.

要我應對阿貴既正經野同閒談.

所以一直都用D唔正宗既國語同阿貴溝通

有時我講錯野, 佢地又笑我.

有時我講得唔錯, 佢地又讚我.

總結: 心內有好多個"妖妖妖", 但其實我係ENJOY的. 

所以自此我都坐前面了 :P

努力學習^^"

丫, 返返黎, 所以最後決定唔去眷村住, 直去高美濕地.

去到, 天色都開始變, 估唔到咁遠...

同我好似睇過係六點幾先日落的.....

算啦, enjoy this moment :)

行出去就更近睇到日落.

呢個地方, 好有香港既下白泥感覺.

你能數到有幾多隻蟹仔嗎?

好多風車, 好靚啊.

不過我得枝24mm 鏡... 都冇得zoom好D位置^^"

行到呢到, 都已經變色了...

好多朋友笑我呢張跳左好似等於冇跳咁~~

我知.. 我跳得矮...

那. 又. 如. 何. >.<

我開心就好了^^

有冇人知呢個係咩?

係悟天同杜拉格斯合體XDXDXD

喂, 原來伸到咁低係好辛苦架XDXDXD

我做唔到... HAHAHAHAHAHA~

留得愈耐, D水漲得愈高, 提提大家.

一定要帶拖鞋黎. 同埋著短褲!

如果冇帶, 放心, 只需NTD40 就買到一對.

我的都係即場買既.

唔敢行咁出, 大家知啦.. 我咁矮, 好似過膝頭架XD

回看番, 好多人冇落黎, haha..塞曬O係木板到睇日落.

一場黎到, 如果唔落黎欣賞, 簡直浪費曬.

(Anyway, 未日落時, 全部都只係泥地, 冇水的)

因為木板係升高左幾級, 所以水漲唔會升到上去.

問題來了... 回去時. 行O個幾級樓梯仔, 係超級容易甩拖鞋的^^"

HAHA... 因為我地3個有2個都甩左...

好KAI 啊!!!!!

大家都要小心D :P

另外, 因為o係水到行, 都有D辛苦. (但唔著我怕刮損)

上番去時, 發現腳指公同第二隻腳指中間都損左少少....>.<

丫, 打到呢到, 我發現. 第二隻手指叫食指, 咁....第二隻腳指... 應該叫咩呢?XD

留待各位解答我^^

返上去,睇埋少少既日落, 就完結了.

見到出面原來有呢個表, 我影俾大家睇~

(如果大家睇得明的話.........因為我唔明^^")

返去搵阿貴, 佢先話我地留得太耐...

佢本身想車我地去近D睇風車既地方, 等我地影風車加日落

丫.......>,<

你唔一早講既>.<

不過夜左都好靚~

條馬路唔多車, 我地就咁泊o係路邊都OK

阿貴叫我地用佢架車黎影相^^"

等我地做一陣車模., HAHA

最後緊係要同阿貴影下相啦~

給大家一點台灣小知識, 我有好好練習普通話的.

我同阿貴傾計, 我問佢一架的士要幾錢.

佢話架車係佢自己買既, 所以先咁靚, 咁佢成日清潔架車.

的士有分3個等級, 佢呢架係最貴的.

大約NTD98萬. 如果最平既好似大約NTD7X萬就OK.

都幾平.

講起車, 阿貴車我地去古堡時...

為左令我地方便D落車...

佢唔小心刮花左一個角落>.<

唔知佢而家有冇整番呢.... :(

之後貴問我地肚唔肚餓. "餓!!!!"

佢話帶我地去食米糕~~~

佢話呢間先係最正宗, 好多台灣本地人都特登黎食

這就是米糕, 如果要我形容, 我會形容為魯肉粢飯~

好好食!!!

係超級好食!!!!!!!!!!!

有得簡辣定唔辣~

同埋係好平的~

今次係阿貴第一餐同我地一齊食~

佢唔俾我地俾錢, 佢請左我地食..

不好意思呢!  好多台灣司機都係咁好客 :)

貴叫我地飲湯, 佢話四神湯好補的, 但係有好多內臟O係入面. 至於係咩內臟.. 對不起, 我聽不懂

同我地叫左個貢丸湯., 不過我估D湯唔係好岩HK人口味^^"

已經八點幾...玩到呢到都未完...

貴再車我地去買手信.

本身朋友想去九個太陽買.

但佢話唔好食. 我地想買太陽餅, 牛軋糖, 鳳梨酥~

佢話等佢幫我地簡D真正本地老字號.

因為真正好既手信, 其實只會得1樣野係好食, 所以我地要去三間.

入到去就唔好買其他. 佢再帶我地去.

牛軋糖都好食~ 本身我地一齊試左鳳梨酥, 佢話呢間都OK, 我食左都覺得OK, 就買左.

之後去佢介紹既鳳梨酥~ 再買~~

回家後, 第二間佢介紹既, 真係好好食!!! 原來同牛軋糖O個間比, 真係冇得比.好食好多

第三間去太陽餅~不過我就鍾意李儀o個隻多D...唔太鍾意有好多酥皮...

所以我冇買到太陽餅做手信.

(不過... 由於我電話D相冇曬= =' 全部冇留低地址.... T^T )

wow... 去完咁多地方...

貴再車我地回酒店放低行李. 仲要我地唔洗急. 慢慢.

之後帶我地去一中夜市

佢話一中同逄甲夜市其實一樣, 只係逄甲既會開多幾間, 但都係O個D野.

同會賣貴D, 又比一中遠D, 我地搭的士返黎會貴. 所以我地都聽佢建議, 去一中~

因為當時已經九點幾定十點

貴今早好早起身. (9點要去到清境... 即係佢應該5,6點就起身...已經照顧了我地十二三個鐘...)

我地拿拿林放低D野同去個toilet就衝番出黎.

去到一中夜市, 佢仍舊細心地教我地點行, 仲話行完可以再去台中公園.

都好靚. 同好近我地酒店.

講起酒店, 本來我地BOOK左一間唔知咩, 上清境O個日話佢知後, 佢話O個到好偏.

同台中好多唔正規既民宿... 咁又係. 我記得O個間係好鬼平... 

唔知HKD幾百蚊就話有間係六人房@@

我地聽完都驚驚地... 決定CANCEL BOOKING... BOOK 番寶島53行.....

同貴臨走時, 我地想由NTD4000, 俾NTD5000佢, 因為真係太辛苦佢了.

我地決定摺埋咁俾佢. 因為覺得佢唔會肯收多.

一俾完佢打算快D走...

點知俾佢發現左!!!!

佢追我地, 我地跑........ 但佢捉到我另一個朋友..

格硬塞入佢褲袋...

其實........我朋友條褲差D甩 XDXDXDXDXDXD

笑左我地好耐...........

阿貴話唔準我地俾多, 唔係佢嬲.... 所以我地都欣然收番...

一中夜市, 買左少少野, 行到十一二點到, 我地就回去了.

今日行程好充實~~

聽日係LAST 1 日~ 我地晚上七點半要去到機場.

決定再包車玩盡佢!!!

有種唔捨得台中的感覺了.................

Ck仔。樂遊四方。

https://www.facebook.com/chiuck1001

台中出發日期: 14/9/2014 -19/9/2014