去完蒲台島後即刻約番大家2星期後, 即今個星期六去東平洲^^
今次結果有6位同伴一齊出發!!!
可惜, 早處未算早, 今次見到去同返都係得1班船, 1 Miss 左就byebye…
時間: 9 點, 地點: 馬料水碼頭
回程: 5點15分.
$90 來回~
為左一定上到船, plan好8點半要去到.
因為馬料水碼頭同大圍站都有一段距離, 我地就係沙田搭的士過去.
Finally 約定時間︰8點沙田的士站等…
Opps…..CK仔住TKO… 即係我要六點半起身….
真係好有想當年中學陸運會起身出發天都未光既感覺….
起身真係好難挨~~~~ 不過好彩MTR 一直都有位坐, 可以補下眠~
多人去要預時間早D就係因為怕有人會遲到~~~
結果, 其中一位同伴, 的確遲到=3=” 足足比約定時間遲左45Mins~!!!!
(特以記錄….!!!!)
好彩聰明既CK仔叫另外幾位先過去睇下咩環境, 買定船飛
我地結果就8點56分到達碼頭,
(的士大約8-10分鐘, $50, 所以如果多人, 都抵, 因為小巴27 都要$6.5 1位)
都真係幾多人…又係翠華船~~
係船上都有位坐(唔該朋友霸定位!)~又可以訓下~
船程大約1.5小時… 真係同去澳門差唔多…
落船啦~
係碼頭隔黎都已經有D好靚既石睇~
其間其實好多石都差唔多, 到到都好靚...
有幾個CHECK PT 位, 但我都唔係好記得D名....
如果有打錯, 請勿見怪 :)
Map~~ 如果每個景點都會停一停, 其實都真係要花4,5個鐘行曬先
所以記得預番D時間丫 :)
左面既灘
右面既灘
只係第一個位我地已經覺得好靚, 係到玩左半個鐘至九個字 :)
哈哈, 真係要出發啦!
聽人講話如果唔想咁多人, 就行右面先
這是海草嗎?
好鍾意, 好似係石上面畫畫咁
D魚係到開餐.....好多魚仔...
Yo~我今日既同伴, 當然有位男生, (係啊, 遲到O個位 :P)
佢全程好好人幫我地影左好多相^^
辛苦曬!!!!!
D樹好得意
有好多爛左既屋~~~
很有趣的沙跡
我相信, 好多石以前中學地理都有教過的, 不過, 我真的忘了 :P
好舒服啊, 坐左係到唔願起身
好鍾意呢D石, 薄薄的一片
行左1/4渣... 已經有咁多野睇....之後去到1個位....斬頸洲....要落去...我腳軟了....
好斜... 不過又見到好多人都係咁落... 我又唯有2個朋友一前一後咁拖住我慢慢落啦...
一陣有圖俾大家睇有幾斜>.<
落到黎, 又係幾靚既~~~
上番去LU... 好危險啊, 2個朋友一前一後扶住我...真係好斜啊, 又窄....
(不過你地都睇到啦... 我D朋友係自己行, 所以對大家來說係OK的.)
再往前行, 其實... 去到呢到都已經1,2點...
我都開始有D累了....
但D樹林好靚!! :)
但都幾焗下, 如果七八月黎一定好辛苦...
另外, 全部山路都好多好大隻既蟻, 如果大家黎..
一定要著D高D既波鞋會好D...
佢係咁爬上我地腳 >.<
龍落水~~
can you see me ? XD
好鍾意呢個感覺
朋友細小既身影, 顯得海浪更無情地打進石裏..
D雲開始靚番D~
其實東平洲D指示做得好足, 不過今次行得太多小時, 太累關係...
我都冇咩點留意D名係邊到打邊到LU~
到左更樓石了~
呢到真係好舒服, 後來我地都訓左係到抖,
第一次訓地下訓得咁開心, 仲覺得自己好似同大自然融為左一體咁
Yo~~我地要向高處個到出發啦!!! Go!!!!!
行得多D真係會冇咁驚.. 雖然上黎都要人扶, 同埋大風關係, 我腳仔都好軟,
但我覺得自己進步左架啦 :)
起碼我仲可以有個燦爛既笑容丫^V^
大約四點幾就返返去碼頭LU~
見到有雞骨草, 五花茶買. (仲有汽水同咸肉種, 咸肉種係凍的, 但好足料, 朋友話都OK)
就買枝五花茶飲下, 點知.... 好苦... 唔岩我口味...
係婆婆自己煲的, 落左好多料@.@...
如果受到苦, 大家可以試下.....
之後朋友再行番右面, 入村, 有公仔麵食, 但我同2個朋友就....
太累, 決定係碼頭附近坐低HEA 下就算..
等到出返沙田先食.
同埋大家黎, 最好自備曬乾糧同水, 我已經有770ml 水同埋500ml 寶礦力
不過都唔係好夠...一返返碼頭立刻買多罐寶礦力
我估有1.5L水會好D.
同埋呢到始終係荒蕪D, 雖然有1,2間士多可以有炒粉麵食,
但行行下都易肚餓...
如果唔想一早食完早餐之後要到四五點先食, 就買定D麵包入去啦 :)
呢到真係好靚, 好值得黎 :)
如果藍天白雲, 相信D相會更加靚!!!
well.... 去左咁多次郊遊... 都冇1日真係好靚既藍天白雲 @o@...
真係冇緣....
去之前既概念︰
又係要好早起身出發既,
D石好靚,
應該唔難行
去之後既感受：
真係要好早起身,
搭好耐船, 但補眠一流~
D石真係好靚;
呢到好大, 行好多路,
D蟻真係好核突>.<,
朋友拖住我情況下我夠膽完成路程, 感覺好過蒲台島既路
感受到"大自然"
如果有個導遊講解下D石就更好 :P
後記:
好好記錄我又一突破 :)
HTC One Max 影的, PS 少少, 效果都唔錯丫~
呵呵, 呢個奇怪組合~~~~都好值得紀念一下 :P
真正既朋友, 就係咁無聊 :P 我在享受緊自然景色, 回來時卻看到有張咁既相...
哈哈, 真有趣 :P
看著相機shutter count 一天一天的增長, 買了大約1個月多點, 就拍了三千多張,
就一個東平洲, 就走了2萬步.
嗯, 我要加油. 向著這個美好的秋天繼續探索.
如果喜愛CK仔寫BLOG, 請LIKE 我Fans Page ar ^^
有你地既支持, 是我行動的原動力! :)
沒有留言:
張貼留言